Տղամարդը եղբորը շփոթել է որմզդեղնի հետ և սպանել նրան

ՌԴ Յակուտիայում որսորդություն անելիս տղամարդը եղբորը շփոթել է որմզդեղնի հետ և սպանել՝ 150 մետր հեռավորությունից կրակելով ազգականի գլխին։ Այս մասին «Lenta.ru»-ին հայտնել են Սախայի (Յակուտիա) Հանրապետությունում Ռուսաստանի Քննչական կոմիտեի մամուլի ծառայությունից։

Միջադեպը, ըստ ՌԴ ՔԿ-ի, տեղի է ունեցել դեկտեմբերի 23-ին, մոտակա բնակավայր Դիքիմդյա գյուղից 44 կիլոմետր հեռավորության վրա։ Այնտեղ 47-ամյա տղամարդը վատ տեսանելիության պատճառով 51-ամյա եղբորը շփոթել է վայրի կենդանու հետ և երկարփողանի «Тигр-К» կարաբինից երեք անգամ կրակել նրա ուղղությամբ։

Եղբայրների միջեւ 150 մետրհեռավորություն է եղել, սակայն գնդակներից մեկը դիպել է տուժածի գլխին։ Տղամարդը տեղում մահացել է: Այժմ հետաքննությունն ուսումնասիրում է հանցագործության ամբողջական պատկերը։