Ուշագրավ մանրամասներ գյումրեցի բժիշկների ծեծկռտուքից

Փետրվարի 17-ին, արտակարգ դեպք է տեղի ունեցել Շիրակի մարզում` բժիշկների միջեւ վիճաբանությունն ավարտվել էր ծեծկռտուքով, որից անմասն չի մնացել նաեւ բուժքույրը: Դեպքը տեղի է ունեցել Գյումրիի բժշկական կենտրոնում: Թե ի՞նչն էր ի վերջո բժշիշկների ծեծկռտուքի պատճառը, Fnews.am-ը  փորձեց պարզել ԲԿ-ի տնօրեն Արմեն Իսահակյանից, ով մեզ հետ զրույում նշեց, որ դեռ որեւէ բան չի կարող ասել, քանի որ հանձնարարել է բժշիշկներին բացատրություն ներ ներկայացնել, որոնց ծանոթանալուց հետո միայն կհասկանա բուն պատճառը:
- Բայց գոնե Ձեզ համար պարզ չէ՞ մինչ օրս պատճառը:

-Նախնական, համենյանդեպս ինչքանով որ ես եմ հասկացել հիվանդ, այսպես ասած, փախցնելու թեմա է եղել, անգամ ծեծկռտուք չի եղել իմ հասկանալով, ուղղակի բարձր ձայնով միյանց հետ խոսել են:

Հիշեցնենք, երեկ՝ փետրվարի 17-ին, արտակարգ դեպք է տեղի ունեցել Շիրակի մարզում։ Ոստիկանության Կումայրիի բաժնի քրեական հետախուզության բաժանմունքում օպերատիվ տեղեկություններ են ստացել, որ նույն օրը, ժամը 11։00-ի սահմաններում «Գյումրի» բժշկական կետրոնում բժիշկներ Կարեն Գրիգորյանը և Արթուր Նասիբյանը վիճաբանել են նույն հիվանդանոցի բժիշկներ Արման և Արտակ Սարգսյանների հետ, ինչից հետո վերջիններս ծեծի են ենթարկել նրանցից մեկին, ով ստացել է մարմնական վնասվածքներ: Արթուր և Արմեն Նասիբյանները հարազատ եղբայրներ են, իսկ Ա. Ադամյանը աշխատում է նշված բժշկական կենտրոնում՝ որպես բուժքույր, Արման և Արտակ Սարգսյաններն էլ՝ որպես բժիշկներ։