Ուշագրավ շրջադարձ Սեդրակ Զատիկյանի սպանության գործով

Մալաթիայի նախկին թաղապետ Վահան Զատիկյանի որդու՝ Սեդրակ Զատիկյանի սպանությունը պատվիրելու մեջ մեղադրվող Նարեկ Խաչատրյանը, ով դատապարտվել է 15 տարվա ազատազրկման` «Պետք է առավելագույն պատժի արժանանա` ցմահ բանտարկության»,-մեզ հետ զրույցում ասաց Զատիկյանների փաստաբան Վաղարշակ Գեւորգյանը նկատելով.

-ՊատիԺը շատ մեղմ է, մենք արդեն դիմել ենք Վերաքննիչ դատարան, որպեսզի վերջինիս առավելագույն պատժի արժանացնեն` ցմահ անազատության: Առաջին նիստի օրն արդեն հայտնի է: Ամեն ինչ անելու ենք, որպեսզի հանցագործները առավելագույնս պատժվեն օրենքով:

Հիշեցնենք, որ ըստ մեղադրանքի՝ Նարեկ Խաչատրյանը նախկինում ունեցած վեճի պատճառով վրեժխնդիր լինելու նպատակով Ստեփան Հակոբյանի հետ միասին Արսեն Առուշանյանին նյութապես շահագրգռելով՝ դրդել ու պատվիրել է Սեդրակ Զատիկյանի սպանությունը:
Նարեկ Խաչատրյանը մեղադրվում է ՀՀ քրեական օրենսգրքի 38-104 հոդվածի 2-րդ մասի 8-րդ կետով: Սեդրակ Զատիկյանի սպանության փաստով քրեական գործը հարուցվել է 2006 թվականի հունիսի 22-ին՝ հենց սպանության կատարման օրը: Ըստ գործի նյութերի՝ 2006 թվականի հունիսին կազմակերպվել է Սեդրակ Զատիկյանի սպանությունը, պատվերի կատարումը ստանձնել է նախկինում դատված Արսեն Առուշանյանը:Հունիսի 22-ին, ժամը 14-ն անց 45 րոպեի սահմաններում Արսեն Առուշանյանը «ԱԿՍ» ինքնաձիգով, շահադիտական դրդումներով, շատերի կյանքի համար վտանգավոր եղանակով, Սեդրակ Զատիկյանին սպանելու ուղղակի դիտավորությամբ կրակոցներ է արձակել վերջինիս վարած «Մերսեդեսի» վրա: Արդյունքում մեքենայի ղեկին նստած Սեդրակ Զատիկյանը ու այդ պահին «Բանկի կռուգ» կոչվող խաչմերուկով անցնող պատահական անցորդ Կարինե Ս.-ն տեղում մահացել են:Այս գործով 2007 թվականին մեղավոր են ճանաչվել ու դատապարտվել Արթուր Հովհաննիսյանը և Լուսինե Ղևոնդյանը:Այս գործով ցմահ ազատազրկման է դատապարտվել սպանության անմիջական կատարման համար մեղավոր ճանաչված Արսեն Առուշանյանը, ով Նարեկ Խաչատրյանի գործով նույնպես վկայի կարգավիճակ ուներ, նրան լսելու համար դատարանն արտագնա նիստ էր անցկացրել կալանավայրում:
2007 թվականի՝ օրինական ուժ ստացած դատավճռում արդեն իսկ ամրագրված է, որ Զատիկյանի սպանությունը կատարվել է Լեդի Հակոբի եղբորորդի Ստեփան Հակոբյանի և Նարեկ Խաչատրյանի դրդմամբ: Ստեփան Հակոբյանը 2013 թվականի դեկտեմբերի 9-ին դատապարտվել է 15 տարի ազատազրկման: Ուժի մեջ մտած այս դատական ակտով ևս ապացուցված է համարվել, որ Ստեփան Հակոբյանը նյութապես շահագրգռել է Արսեն Առուշանյանին, դրդել, պատվիրել է սպանել Սեդրակ Զատիկյանին:

Նոնա  Ադամյան