Ուսուցիչներին ընտրական գործընթացներից զերծ պահելուն ուղղված օրինագիծը մերժվեց. ՀՀԿ-ն դեմ էր

1in.am-ը գրում է.ԲՀԿ խմբակցության պատգամավոր Լյովա Խաչատրյանն առաջարկում է փոփոխություններ կատարել Ընտրական օրենսգրքում, որով դպրոցի ուսուցիչներին կարգելվի ներգրավված լինել ընտրական հանձնաժողովներում: Նա այսօր ԱԺ պետաիրավական հանձնաժողովում ներկայացնելով օրինագիծը՝ նշեց. «Բոլորս էլ գիտենք, որ ընտրական հանձնաժողովների մասնակիցները հաճախ նեգատիվ երևույթների մասնակիցն ու հեղինակն են դառնում, որի մասին իմանում է և՛ հասարակությունը, և՛ դպրոցականները, թե ինչպես են իրենց ուսուցիչները նման պրոցեսներում իրենց պահել: Կարծում եմ, որ դա անդրադառնում է կրթական գործընթացի վրա: Ես պարզապես ցանկանում եմ դպրոցի ուսուցչական կոլեկտիվը զերծ պահել ընտրական պրոցեսներից: Ինձ բացարձակապես չի հետաքրքրում, թե նրանցից որքանն են ՀՀԿ-ական, որքանը՝ «Ժառանգությունից», ինձ հետաքրքրում է, որ նրանք կարողանան կրթություն և դաստիարակություն տալ երեխաներին»:

Պատգամավորը նաև նկատեց, որ ուսուցիչների՝ ընտրական գործընթացների արդյունքում բոլոր տնօրենները և ուսմասվարները ՀՀԿ-ական են:

Նույն խնդրի առնչությամբ «Ժառանգություն» խմբակցության պատգամավոր Զարուհի Փոստանջյանն ասաց. «Ցավոք, բացի ուսուցիչներից, իշխող կուսակցությունն ունի նաև մարդկանց մեկ այլ արսենալ, որոնք ավելի վատն են այս ուսուցիչներից իրենց բարոյական կերպարով: Դրանք թաղային հեղինակություններն են, որոնք քրեական աշխարհի ներկայացուցիչներն են: Ավագանիում ընտրություններին ականատես ենք եղել, թե նրանք ինչպես էին իրենց դրսևորում. փողոցային խուժանն էր այնտեղ ներգրավված:

մանրամասները՝ սկզբնաղբյուրում