Ուզում եմ, որ նախեւառաջ վերականգնվի Հայոց բանակի մարտունակությունը.Տիրան Խաչատրյան

Հունվարի 28-ին ընդառաջ «Իրավունքը» ներկայացնելու զինվորական կենսագրություն ունեցող ներկա եւ պահեստազորի զինվորականների հետ զրուցել է Հայոց բանակի ներկա իրավիճակի եւ հայկ զինվորին այսօր անհրաժեշտ նախապայմանների մասին:

Այսպես, «Իրավունքի» զրուցակիցն է  ռազմական գործիչ, Հայաստանի զինված ուժերի գեներալ-լեյտենանտ, Հայաստանի Զինված ուժերի գլխավոր շտաբի պետի նախկին առաջին տեղակալ, «Ազգային հերոսի» ՏԻՐԱՆ ԽԱՉԱՏՐՅԱՆԸ:

-Պարոն Խաչատրյան, ինչպես կներկայացնեք այսօր Հայոց բանակի վիճակը:

-Այսօր, բնականբար, ներսում չլինելով շատ բաների չեմ տիրապետում, ըստ այդմ ինչոր գնահատականներ տալը կարող է թերի լինել: Ինքս մեղադրում եմ այն մարդկանց, ովքեր չլինելով բանակում, ներսից ոչ ամբողջական տեղեկություններ չունենալով ինչ-ինչ վերլուծություններ են անում հերիք չի մի բան էլ առաջակություններ կամ լուծման ուղղիներ են առաջ քաշում: Ըստ այդմ մանրամասն խոսել բանակի ներկա վիճակի մասին ձեռնպահ կմնամ, բայց ցավոք սրտի պետք է նշեմ, որ իմ ունեցած տեղեկություններով, բանակի ներկա վիճակը, մեղմ ասած, հուսադրող չի:

-Իսկ ի՞նչ կասեք մեր տղաներին, ովքեր 24 ժամ հսկում են մեր սահմանները:

-Ուզում եմ, որ նախեւառաջ վերականգնվի Հյոց բանակի մարտունակությունը, պատրաստությունը եւ, որ ամենակարեւորն է զինվորի համար` բարձր մակարդակի վրա լինի կամքը հաղթահարելու  եւ ուսուցման գործընթացի եւ հոգեբանական դժվարությունների հաղթահարման առումով: Ուզում մեր տղաները իրենց առջեւ դրված վեհ առաքելությունը` հայ զինվորին վայել կերպով իրականացնեն: Այսքանը թերեւս:

-Պարոն Խաչատրյան, Ձեր թույլտվությամբ մի քանի բլից հարցեր:

-Եթե վերաբերում են բանակին խնդրեմ:

-Ավելի շատ հայրենիքին ու Ձեր մարդ տեսակին պարոն Խաչատրյան:

-Լավ:

-Պարոն Խաչատրյան հայրենիքը Ձեզ համար:

-Ամեն ինչ:

-Արցախը Ձեզ համար:

-Արցախը իմ հայրենիքն է:

Ուշագրավ մանրամասները՝Iravunk.com-ում: