Վարչապետի ու մարզպետի «ջրերը մի առվով չե՞ն գնում»

Քաղաքական շրջանակներում պտտվող լուրերի համաձայն, վերջին ժամանակներս բավականին լարվել են ՀՀ վարչապետ Հովիկ Աբրահամյանի ու Արագածոտնի մարզպետ Սարգիս Սահակյանի հարաբերությունները: Ի դեպ, ՀՀ Կառավարությանը մոտ կանգնած նախկին պաշտոնյաները հաճախակի են խոսում այն մասին, որ վարչապետ Աբրահամյանը առաջին իսկ հնարավորության դեպքում մտադիր է ՀՀԿ-ական մեկ այլ ֆիգուրով փոխարինելու մարզպետ Սարգիս Սահակյանին: Իսկ թե ի՞նչ կարծիք  ունի մարզպետ Սարգիս Սահակյանը պտտվող այս խոսակցությունների շուրջ, եւ թե ըստ նրա ո՞վ է «աչք դրել» մարզպետի աթոռի վրա, ապա  Fnews.am-ի  հետ զրույցում Սարգիս Սահակյանը փոխանցեց.

-Չեմ կարծում, որ որեւէ մեկը այդպիսի ցանկություն ունի:

-Գուցե գիտեք, բայց չե՞ք ասում:

-Ես որ այդպիսի բան իրականում չեմ նկատել:

-Իսկ ի՞նչ հարաբերություններ ունեք վարչապետ Հովիկ Աբրահամյանի հետ, ասում են «Ձեր ջրերը մի առվով չեն գնում»...

-Նման բան լինել չի կարող: Հովիկ Աբրահամյանը մեր կուսակցության փոխնախագահն է, նրա հետ շատ վաղվուցվանից ենք աշխատել, երբ նա դեռւս Տարածքային կառավարման նախարար էր: Մենք միշտ էլ նորմալ աշխատել ենք: Ի՞նչ է եղել, որ:

-Դե ասում են ՝իրար չեք «սիրում»…

-Չկա նման բան. մենք նորմալ աշխատանքային հարաբերություններ ունենք:

-Ի դեպ, ասում են, որ վերջին ժամանկներս, տարաձայնություններ կային նաեւ մարզային իշխանություններ ու իրավական համակարգի ներկայացուցիչների միջեւ: Ավելին, ասում են, Արագածոտնի մարզի դատախազ Հակոբ Մարտիրոսյանի հետ նույնպես լարված հարաբերությունների մեջ եք եղել, ով ժամեր առաջ աշխատանքից ազատվելու դիմում է գրել:
-Չէ, չէ, վա~յ ինչ եք ասում. ես ի՞նչ կապ ունեմ: Ես էլ մի քիչ առաջ, ձեր նման լսեցի, որ նա աշխատանքից ազատվելու դիմում է ներկայացրել: Թե ինչու՝այ դա արդեն չեմ կարող չեմ կարող ասել:

-Պարոն Սահակյան, այս օրերին մինչ իշխանական որոշ հատվածում «աթոռակռիվ» է, թեկուզ ոչ այդքան ընդգծված, այդուհանդերձ պատասխանատու հատվածը՝ ի դեմս նախագահ Սերժ Սարգսյանի, մտահոգված է սահմանին տիրող իրադրությամբ ու ռազմքաղաքական ստեղծված իրավիճակով: Ձեր մարզում ի՞նչ տրամադրություններ կան՝ սահմանային լարումների հետ կապված եւ դուք որպես մարզպետ ի՞նչ եք մտադիր անել այդ ուղղությամբ:

-Ես կասեմ հետեւյալը. Աստված  մի արասցե, եթե իրավիճակը լրջանա, ես պատրաստ եմ դառնալ իմ հայրենիքի զինվորը:
-Այսինքն կգնաք սահման՝ կռվելու՞: 

-Անպայման, ինչի՞ մասին է խոսքը: