Վարդան Այվազյանի մոտ «սխոդկա» էր, իսկ Բագրատյանն էլ մեղադրում էր Հովիկին…

Այսօր խորհրդարանում ՀՀ վարչատարածքային բաժանման մասին» ՀՀ օրենքում փոփոխություններ կատարելու մասին օրենքի նախագծի քվեակության ժամանակ, հայտնի է որ բուռն վեճի բռնվեցին ՀԱԿ պատգամավոր Հրանտ Բագրատյանն ու ՀՀԿ-ական պատգամավոր Վարդան Այվազյանը, ում նյարդերը երեկվանից արդեն տեղի էին տվել…
Չհաշված Վահե Էնֆիաջյան-Վարդան Այվազյան հայտնի լեզվակռիվը, երբ ԲՀԿ-ական պատգամավորը փորձում էր ՀՀԿ-ական պատգամավորին զգուշաշնել, որ իր հետ պետք չէ շշկռվել: Ինչեւէ, այսօր էլ խորհրդարանում պատգամավոր Այվազյանի հետ կարծես թե փորձեց շշկռվել ՀԱԿ պատգամավոր Հրանտ Բագրատյանը, ով փորձում էր ի լուր աշխարհի բացատրել, որ նման նախագիծ են ներկայացնում, քանի որ Հայաստանի տնտեսական և սոցիալական պատմությունը չգիտեն:

ՀՀԿ-ական պատգամավոր Վարդան Այվազյանն էլ իր հերթին հայտարարեց, թե խոսում են ամեն ինչից, բացի բուն օրենքից:
Սակայն Բագրատյանի նյարդերը տեղի տվեցին, ու նա տեղից բղավեց ՀՀԿ-ական պատգամավորի վրա:
«Հանգիստ նստի տեղդ, նստի տեղդ, վունդերկի’նդ… Այ քեզի բան… »,- մի քանի անգամ պահանջեց Այվազյանը՝ բղավելով. «Էս ազվերին (озверин.-խմբ.) կերածներին հանգստացրեք, թե չէ ես կհանգստացնեմ»:
Բագրատյանը չէր լռում. «Դե արի ստե, ասեմ, արա’»:
ԱԺ նախագահ Գալուստ Սահակյանը ևս լռելու կոչ արեց: Բայց Բագրատյանն արդեն կանգնել էր և փորձում էր մոտենալ Այվազյանին: Խաչատուր Քոքոբելյանն ու Գագիկ Ջհանգիրյանը հասան օգնության՝ Բագրատյանին հանգստացնելու:
Գալուստ Սահակյանը կրկին պահանջեց. «Բոլորդ ձեր տեղերում նստեք: Պարո’ն Բագրատյան, նստեք Ձեր տեղում»:

Սակայն ե՛ւ Բագրատյանի, ե՛ւ Այվազյանի մոտ կրքերն այդպես էլ կարծես թե չհանդարտվեցին, քանի որ քվեարկությունից անմիջապես հետո, Բագրատյանը շտապեց ԱԺ-ի միջանցքում բռնացնել նախ պատգամավոր Ռուբիկ Հակոբյանին, հետո էլ ՀՀԿ -ական Ալիկ Պետրոսյանին՝ ՄԱՊ-ի Ալիկին, ու փորձեց վերջիններիս մոտ բացատրվել, որ դա Այվազյանի սցնեարը չէր...
Այնուհետեւ Բագրատյանը պատգամավորների մոտ անկեղծացավ, դժգոհելով, որ չեն թողում որ մի ճիշտ բան ասեն: Հետո էլ չբացառեց, որ Այվազյանը Հովիկի ասելով ա սենց բաներ անում...Կարծես թե Բագրատյանն ակնարկում էր կոռուպցիայի դեմ պայքարի մեջ խորասուզված ՀՀ վարչապետ Հովիկ Աբրահամյանին:

Իսկ ահա քիչ հետո էլ, ՀՀԿ-ական պատգամավոր Վարդան Այվազյանի կաբինետում մասնագիտական «սխոդկա» էին հավաքվել Խոսրով Մելիքիչը, պատգամավոր Արթուր Ստեփանյանը՝ հայտնի Չախկալը, Հովհաննես Սոֆոյանը եւ այլոք:

Fnews.am-ին հասած տեղեկությունների համաձայն, Այվազյանի գործընկերնեը հորդորել են այսուհետ չվիճել Բագրատյանի հետ, քանի որ նա այլեւս անկառավարելի է , եւ որ շատ դեպքերում իրեն այնքան էլ ադեկվատ չի դրսեւորում նմանատիպ քննարկումների ժամանակ: Վերջում պատգամավորները հայտարարի են եկել, որ սրանից հետո, Այվազյանն ավելի լավ է ԱԺ ամբիոնից դուրս «պորտատեղադրումներ» անի, քան թե հերթական անգամ նոր սկանդալի ու քննարկման առիթ հանդիսանա:
Դե ինչ սպասենք հետագա զարգացումներին, եւ տեսնենք, թե այսուհետ ինչ նոր սցենարներ կլինեն հայոց խորհրդարանում: