Վարդան Ղուկասյանը`ներքաղաքական իրավիճակի եւ ԲՀԿ-ի նախաձեռնած քայլերի մասին

«Ինչի համար են ուզում հեղափոխություն կամ ցույց անեն, էն որ երկու տարի անընդմեջ իրենց հեռուստաեթերներով ում ինչ անուն ասես կպցնում էին, ում ինչ անուն ասես ասեցին, մի անգամ, որ իրենց մի բան ասեցին, էդ ինչի՞ են խառնվել իրար: Երկու տարի վեց ամիս ես իրենց հեռուստատեսության եթերներներց անպակաս էի լինում, խոսում էին մի մի մարդու մասին, ում հետեւից գնում է մի ողջ ժողովուրդ: Իրենց ԲՀԿ-ականին բերեցին գումարներով ու կեղծիքներով դրեցին, բա իրենց դեմոկրատիան որտե՞ղ էր», Fnews.am-ի հէտ -անդրադառնալով օրերս սպասվելիք հանրահավաքին ասաց Գյումրիի նախկին քաղաքպետ Վարդան Ղուկասյանը:

-Պարոն Ղուկասյան, ստացվում է, որ քաղաքապետի ընտրություններից հետո, Գյումրին անցավ ԲՀԿ-ական քաղաքապետի ղեկավարության ներքո, կասե՞ք, առաջին հերթին, որպես գյումրեցի, ինչ փոփոխություններ` լավ կամ վատ առումով, տեղի ունեցան Գյումրիում ԲՀԿ-ական քաղաքապետի ղեկավարության օրոք:

-Նախ, ի՞նչ ընտրություն, ինչի՞ ընտրություն եղել է այստեղ, դա պարզապես նշանակվել է: Էդ ընտրությունների ժամանակ, չնայած ես թեկնածությունս չէի դրել, բայց բոլոր քվեաթերթիկների վրա գրված է եղել Վարդան Ղուկասյան: Ես մի բան գիտեմ, որ ես Գյումրու քաղաքապետ եմ եղել տասներեք տարի եւ ոչ մի անգամ  փող չեմ բաժանել ու կեղծել...Ինչ վերաբերում է փոփոխություններին, ապա Գյումրիում ոչինչ չփոխվեց, ընդհակառակը, ոչ մի ներդրում չարվեց, փոքր եւ միջին բիզնեսը չխթանվեց, մարդիկ աշխատանք չունեն: Եկեք ինքներդ տեսեք, ներդրողները փողոցներում կանգնած սպասում են, թե երբ պետք է Վարդան Ղուկասյանը դուրս գա, որ գանք ներդրում անենք: Մենակ գազալցակայաներ են բացում, ուրիշ ոչ մի բան: Էն էլ լոկ նրա համար, որ ես գազալցակայան ունեմ, էլ էդ մարդու հետ ի՞նչ խոսես...ուղղակի նրաց  պետք է հիշացնենք, որ իրականում նա քաղաքապետ է, ով մոտ 40 մլն. դրամ արժողությամբ կիսափչացած շատրվաններով ուրախանալուց բացի, պարտավոր է հոգալ տեղի բնակիչների խնդիրները եւ կարգավորել քաղաքում ստեղծված անհասկանալի իրավիճակները:

Սոնա  Ավագյան