Վճարել YouTube-ից օգտվելու համար

Տեղեկությունների համաձայն՝ YouTube տեսածառայությունը կարող է բաժանորդագրային ծառայություն սկսել իր բովանդակության համար, գրում է The Independent-ը:

Ընկերությունն ուսումնասիրում է բաժանորդագրային ծառայություն սկսելու հնարավորությունը: Այն կարող է նման լինել YouTube Music Key-ին, որն իր աշխատանքը սկսել է անցած տարի: Ծառայությունը թույլ է տալիս օգտատերերին ազատվել գովազդներից վճարի դիմաց:

Նոր ծառայությունը կարող է ներառել հայտնի անձանց տեսանյութեր, որոնք արտադրած կլինի հենց YouTube-ը: Հնարավոր է, որ այդ տեսանյութերը կշարունակեն հասանելի մնալ օգտատերերին, որոնք չեն գրանցվում նոր ծառայության համար, բայց կցուցադրվեն գովազդներով, ինչպես նախկինում:

YouTube-ն աշխատում է հաղթել Hulu-ի նման պահանջարկի վրա աշխատող տեսածառայությունների հետ մրցակցությունում, որն առաջարկում է դիտել TV և այլ բովանդակություն, երբ օգտատերը ցանկանում է: Այս ծառայությունները փորձում էին գրավել YouTube-ի աստղերին՝ հույսով, որ իրենց բաժանորդագրման մոդելները թույլ կտան ավելի շատ գումար վաստակել: