VIDEO .«Եթե պետք լինի. ես էլ զենք կվերցնեմ, ու կկանգնեմ մեր սահմանը պահող տղաների կողքին».Հերոսի մայր

Հերոս ԱՐԱՄԱՅԻՍ ՈՍԿԱՆՅԱՆԻ մայրը` ԱՆՈՒՇ ՀԱԿՈԲՅԱՆԸ ցավով է խոսում այն մասին, որ շատ հաճախ մեր հերոսների հավաքական կերպարի գաղափարը եւ մեկնությունը փոխարինվում է չգիտես ինչու՝ նյութական, ոչ հարիր, ցածր արժեքների մրցակցային դաշտի:

Ավելին, տիկին Անուշի համոզմամբ, կենցաղային, երկրորդական հարցերը, երբեմն մղվում են առաջին պլան՝ ստվերելով Հերոսին արժեվորելու ու գնահատելու այնքան կարեւոր գաղափարը:
«Որքան էլ դժվար է խոստովանելը, բայց պետք է փաստենք, որ կան շատ ու շատ զինվոր կորցրած ծնողներ, որոնց ոչ ոք չի ճանաչում ու չի հետաքրքրվում նրանց կյանքով, նրանց որդիները թնդանոթների պայթյունների տակ չեն կռվել , բայց շատերը կանխել են հենց այդ նույն պայթյունները եւ փրկել զինակից ընկերներին»,- Fnews.am-ի հետ զրույցում ասում է որդեկորույս մայրը եւ նկատում.

-Հարգելիներս մենք դեռ ունենք չլուծված բազում խնդիրներ, հիրավի մոր դերն անքակտելիորեն կապված է, եւ ուղիղ համեմատական կապի մեջ է իր հերոսի հիշատակի հարգման հետ: Իմ խորին համոզման դրամական միջոցները չեն, որ պետք է առաջնային տեղ գրավեն մայրերի նվիրյալ գործում՝ ցածրացնելով ու մոռացության տալով յուրաքանչյուր հերոսի սխրանքը:
Անչափ կարեւոր է , որ մատաղ սերունդը վաղ հասակից դաստիարակվի հայրենասիրական գիտակցությամբ, եւ ճանաչի իր երկրի պաշտպաններին: Ու նույնիսկ հիմա, երբ մեր որդիներն անմահացել են. մենք չպետք է կորցնենք մեր զգոնությունը, եւ մշտապես պետք է պատրաստ լինենք պայքարի:
Թշնամին նենգ ու ոխակալ. Իսկ Արցախյան պատերազմն էլ դեռ չի ավարտվել: Բայց եւ ուզում եմ, որպես հերոսի մայր ասել. եթե նրանք չհանդարտվեն՝միեւնույնն է տուժելու են:
Եթե պետք լինի, ես էլ զենք կվերցնեմ ու կկանգնեմ մեր սահամնը պահող զինվորների կողքին:
Մենք ոչ մեկին՝ մի թիզ հող անգամ չունենք տալու. Այնտեղ թափված է իմ որդու՝մեր հերոս տղաների արյունը:

 Մանրամասները՝ Տեսանյութում: