Video.«Դու պիտի գնաս` Քոչարյանի հարեւանությամբ տեղավորվես».Համլետ Ղուշչյանը՝ Ալեքսանյանին

Հայտնի է, որ հեռուստալրագրող Համլետ Ղուշչյանի առևանգման գործով հարցաքննվել է Ազգային ժողովի Հանրապետական խմբակցության նախկին պատգամավոր, գործարար Սամվել Ալեքսանյանը։

Հիշեցնենք,  որ  Համլետ Ղուշչյանը լրատվամիջոցներից մեկին տված հարցազրույցի ժամանակ, եւ հիմա էլ շարունակում է  պնդել, որ  տարիներ առաջ Ալեքսանյանն իրեն առևանգել ու իր ճակատին ատրճանակ է պահել: Հեռուստալրագրողի այդ հայտարարությունից հետո Քննչական կոմիտեում գործ  է հարուցվել: 

Սամվել Ալեքսանյանը կտրականապես հերքում է, որ  ինքը Ղուշչյանին երբևէ չի հանդիպել ու նրան միայն հեռուստատեսությունից գիտի․  «Ես առևանգող մա՞րդ եմ, ա՛յ ցավդ տանեմ, ի՞նչ եք ուզում ինձանից: Ինձ չառևանգեք՝ ես կարա՞մ ուրիշին առևանգեմ: Վայ թե Ղուշչյաննա ընձի առևանգել»:

Մինչդեռ Համլետ Ղուշչյանը, այլ կերպ է հակադարձում Ալեքսանյանի այդ հայտարարություններին՝համարելով որ դրանք անհեթեթությունների  ժանրից են: Ավելին, Newsmedia-ի հետ զրույցում, հեռուստալրագրողը  արձագանքեց.

-Նույնիսկ Սերժ Սարգսյանի, եւ Ռոբերտ Քոչարյանի օրոք՝  նա իրեն այդպիսի լկտի արտահայտություններ չէր կարող թույլ տալ: Հիմա նա երեւի կորցրել է չափի զգացողությունը. այդ «գառան դեմքով այդ գայլը»... Դուք պատկերացնում ե՞ք ինչ է հայտարարում.  ինձ Համլետ Ղուչշյանն է երեւի  առեւանագել: Ա՜յ քեզ բան, դուք պիտի կանգնեք դատարանի   առաջ: 

Ուշագրավ մանրամասները՝Newsmedia-ի Տեսանյութում: