Video.«Դուխով տղեն՝ բեղերով հեսա նստած. առանց գլխարկի » Ռ.Անդրեասյան

Հայտնի է, որ Արարատի մարզի Ուրցաձոր համայնքում, փետրվարի 19-ին տեղի են ունենալու ՏԻՄ արտահերթ ընտրություններ: Որքան էլ որ անհավատալի էր, ի թիվս այլ հավակնորդների, կրկին անգամ թեկնածության հայտ ներկայացրեց Ուրցաձորի նախկին համայնքապետ Ռաֆիկ Անդրեասյանը, ում անունը թավշյա հեղափոխությունից հետո, անցնում էր բազում սկանդալային պատմությունների միջով:

Հիշեցնենք, որ Ռ. Անդրեասյանը համայնքի ղեկավարի պաշտոնում ընտրվել էր 2016 թվականի սեպտեմբերի 18-ին կայացած համայնքի ղեկավարի ընտրության արդյունքում: Իսկ ահա, 2018 թվականի հոկտեմբերի 9-ին, նա հրաժարականի դիմում էր ներկայացրել:

Հիշեցնենք նաեւ, որ ամիսներ առաջ, Ուրցաձոր խոշորացված համայնքի 3 գյուղերի մի խումբ բնակիչներ բողոքի ակցիաներ էին իրականացնում գյուղապետարանի մոտ՝ պահանջելով համայնքը 19 տարի ղեկավարող Ռաֆիկ Անդրեասյանի հրաժարականը: Բողոքող գյուղացիները պնդում էին, որ Ռաֆիկ Անդրեասյանը համայնքապետի պաշտոնում բազմաթիվ չարաշահումներ է թույլ տվել:

Բողոքող բնակիչներն իրենց պահանջը հիմնավորում էին նրանով, որ Ռ. Անդրեասյանը պաշտոնում թույլ է տվել բազմաթիվ չարաշահումներ, որոնցից մասնավորապես բարձրաձայնվում էր նրա մասին, որ համայնքապետն իր ընտանիքի հետ միասին տիրապետում է գյուղի վարձակալական հողերի մեծ մասին։
Մինչդեռ, Ուրցաձորի համայնքապետ Անդրեասյանը, մինչ օրս էլ չի ընդունում իր դեմ ուղղված մեղադրանքները, դրանք համարում է հերյուրանք՝ նշելով, որ համայնքի ղեկավարի իր նախընտրական ծրագիրը կատարել է ոչ թե՝ 100, այլ՝ 150 տոկոսով, և ամաչելու բան ընդհանրապես չունի։
Ավելին, նա կարծում է, որ մի շարք լկտի ստախոսներ մտել են դուխով գլխարկի տակ, սակայն, իր իսկ  բնորոշմամբ,  դուխով տղեն ինքն է՝ (բեղերով) մեր առջեւ նստած:

Ուշագրավ այլ մանրամասներ՝Տեսանյութում: