Ուշագրավ դրվագներ՝Ուրցաձոր համայնքի ղեկավարի գործունեությունից.VIDEO

Դեռեւս հուլիս ամսին (04/07/2018) Ոստիկանության Արարատի բաժնում տեղեկություններ էին ստացվել այն մասին , որ Ուրցաձոր համայնքի ղեկավարը, պաշտոնեական դիրքը չարաշահելով, գումար է յուրացրել:
Հիշեցնենք, որ այդ օրերին, մի քաղաքացի բանավոր հաղորդում էր տվել, որ Ուրցաձոր գյուղի համայնքապետը յուրացրել է 2007 թվականին գյուղի մանկապարտեզի նորոգման համար հատկացված 25 միլիոն դրամը։ Բացի այդ, 2017-2018 թթ․ Ուրցաձորի համայնքապետը յուրացրել է նաև նույն մանկապարտեզին հատկացված խաղալիքների, գրենական պիտույքների և տնտեսական ապրանքների համար նախատեսված տարեկան 1 մլն դրամը։

Հունիսի 22-ին էլ Ուրցաձորի մեկ այլ բնակիչ ոստիկանությունում բանավոր հաղորդում էր տվել այն մասին, որ 2016 թ․ համայնքապետը իրենից վերցրել է 100 000 դրամ ընդհանուր արժեքով 3 գառ։ Խոստացել էր փոխարենը վճարել նրա հողի հարկերն ու չեղյալ համարել այդ պահին՝ 170 000 դրամի հողի պարտքը։ Բայց չարաշահել էր վստահությունը ու ո՛չ հողի հարկն էր վճարել, ո՛չ զրոյացրել պարտքերը և ո՛չ էլ վճարել վերցրած գառների համար։ Արդյունքում՝ հողի հարկի ընդհանուր պարտքը դարձել էր շուրջ 570 000 դրամ։

Սակայն բանից պարզվում է, մինչ օրս այդ սկանդալայաին հայտարարությունների հետ կապված որեւէ էական տեղաշարժ չի նկատվել, քանի որ քննչական մարմինները կարծես թե գործը ծալել ու դրել են դարակում:

Եւ ինչպես Fnews.am-ի հետ զրույցում նկատեց Ուրցաձոր համայնքի բնակիչ, արդարադատության փոխնգդապետ Գագիկ Հովասափյանը, ցավալին այն է, որ մինչ օրս քննչական մարմինները այդ գործը դրել են "տակները" ` նստել:   

Մենք մեր մարզում վստահում ենք միայն ոստիկանությանը, քանի որ քննչականի ու դատախազության  գործունեության հետ կապված՝ առաջընթաց չի նկատվում:

Այս ամենի, ինչպես նաեւ   Ուրցաձոր համայնքի  ղեկավար Ռաֆիկ Անդրեասյանի  գործունեության  ուշագրավ  դրվագների մասին ՝առաջարկվող Տեսանյութում: