Վրաստանը՝ որպես բանդիտական Ադրբեջանի ֆորպոստ

Ադրբեջանցի ընդդիմադիր գործիչ և լրագրող Աֆղան Մուխթարլիի հեքիաթային հայտնվելը Բաքվում մեծ իրարանցում է առաջացրել մեր հյուսիսային հարևանների մոտ: Սկզբից պաշտոնական Բաքուն փորձելով փրկել իրենց վրացի գործընկերների պատիվը հաղորդագրություն էին տարածել, ըստ որի մայիսի 29-ի երեկոյան ժամը 22.40-ին Մուխթարլին անօրինական փորձել է մուտք գործել Ադրբեջան: Ի սկզբանե պարզ էր, որ Բաքվի տարածած այս տեղեկությունը պրիմիտիվ սուտ էր, քանի որ Իլհամ Ալիևի վարչակարգի կողմից հետապնդվող Մուխթարլին շատ լավ հասկանում էր, թե ինչ է տեղի ունենալու իր հետ, եթե նա հայտնվի Ադրբեջանում:

Երեկ Թբիլիսիում տեղի ունեցած մամլո ասուլիսի ժամանակ Մուխթարլիի պաշտպան Նեյմաթ Քերիմլին բավական մանրամասին պատմել է,թե ինչպես է Մուխթարլին հայտնվել Ադրբեջանում: Ազերի ընդդիւմադիրին գողացել են իրենց, իսկ բնակարանի մոտի խանութից ոստիկանական շորերով անձինք: Նրա գլխին պարկ են անցրել,իսկ ձեռքերն էլ պինդ կապել են: Առևանգողներն,ըստ Մուխթարլիի պաշտպանի, խոսել են վրացերենով: Հետագայուն նրան դուրս են բերել մեքենայից և նստեցրել են մի այլ մեքենա,որի ուղևորները խոսել են ադրբեջաներենով: Մուխթարլին հասկացել է,որ նա գտնվում է Ադրբեջանում:

Վրացական իշխանությունները Մուխթարլիի գողանալուց հետո մինչև հիմա փորձում են չքմեղանալ և ցույց տալ,որ իրենք ոչնչից տեղյակ չեն...Ասեմ,որ վրացական իշխանությունների այս վարքագիծը էլ ավելի մեծ վնաս է հասցնում Վրաստանի վարկանիշին,քանի որ ապացուցում է,որ վրացական իշխանությունները իվիճակի չեն վերահսկելու սեփական երկրի տարածքը և մարդկանց անվտանգությունը: Վրաստանի նախագահ Գեորգի Մարգվելաշվիլին,երեկ լրագրողների հետ զրույցում ավելի հեռուն է գնացել և փորձել է Մուխթարլիի առևանգման մեղքը բարդել Վրաստանի նախկին նախագահ Սաակաշվիլիի կողմնակիցների վրա: Զարմանալի է,որ նախկին նախագահը այդքան հրանարվորություններ ունի,որ մարդ է գողանում,ապօրինի տեղափոխում է Վրաստանից Ադրբեջան և այդս ամսին միայն իմանում են առևանգվողի Բաքվում հայտնվելուց հետո:

Մուխթարլիի առևանգման պահով վրացական պետության խայտառակ վիճակում հայտնվելու մասին է խոսել նաև Վրաստանի օմբուդսմեն Ուչա Նանուաշվիլին: Նա նշել է,որ Մուխթարլիի Ադրբեջանում հայտնվելը ջնջել են այն ձեռքբերումները,որոնք Վրաստանն ունեցել է անկախացումից հետո:

Մուխթարլիի առևանգումը Վրաստանից և նրա հայտնվելը Բաքվում, ինչպես նաև պաշտոնական Թբիլիսիի անտրամաբանական և հիմար բացատրություններն այս հարցի վերաբերյալ ապացուցում են,թե ո՛վ է Վրաստանի իրական տերը:

Ժամանակին, Վրաստանի նախագահ Միխեիլ Սաակաշվիլիի փորձերը դուրս բերել Վրաստանը ռուսաստանյան գազի «ճիրաններից» հանգեցրեցին նրան,որ Թբիլիսին դարձավ Իլհամ Ալիևի ստրուկը: Հենց սրանով է պայմանավորված այն հանգամանքը,որ Իլհամ Ալիևը Վրաստանի տարածքում անում է այն ինչ ցանկանում է: Եվ անում է այդ ամենը իրեն բնորոշ բանդիտական ոճով: Իլհամ Ալիևը թքած է ունեցել օրենքների և հատկապես այլ երկրների օրենքների վրա: Ալիևի համար բացարձակ միևնույն է,թե ինչ վիճակում կհայտնվի նրանից կախյալ վիճակում գտնվող հարևան երկրի ղեկավարությունը: Մեկ վայրկյանում Իլհամ Ալիևը ժողովրդավարական Վրաստատնը դարձրեց բռնապետական Ադրբեջանի ֆորպոստ,որի մասին շատերը գիտեին,բայց քչերն էին արտահայտվում: Վրացական իշխանությունները սեփական իմիջը փրկելու համար առաջ են տանում այն թեզը,որ Մուխթարլիին իբրև թե գողացել են,որն իրականությանը չի համապատասխանում: Ընդդւմադիր ազերի գործչին Բաքվին հարձնած վրացական իշխանություններին ձեռնտու է այդ թեզը տարածել, քան բացահայտ հայտարարել,որ նրանք կատարել են Իլհամ Ալիևի հրամանը: Բայց երկու պարագայում էլ Վրաստանը հայտնվում է ծանր վիճակում: Երկու պարագայում էլ պարզ է դառնում, որ ռուսական բռնապետության և կայսերականության դեմ պայքարող Վրաստանը 2008 թ-ից հետո դարձել է հարևան ֆաշիստանակ և բանդիտական Ադրբեջանի ֆորպոստը:

Մուխթարլիի արդեն հայտնի պայմաններում Ադրբեջանում հայտնվելը ապացուցում է,որ ոչ ոք Վրաստանի տարածքում չի կարող իրեն զգալ անվտանգության մեջ.լինի դա վրացահայ, թե՝ Վրաստան այցելող ՀՀ քաղաքցի, առավել ևս եթե նրանք զբաղվում են քաղաքական կամ հասարակական գործունեությամբ: Սա պետք է ի գիտություն ընդունեն մեր հայրենակիցները,որոնք հատկապես ամռանը մեծ քանակությամբ մեկնում են Վրաստան հանգստանալու:

Այն,որ Թբիլիսին վաղուց էր դարձել ազերի գաղտնի ծառայությունների ներկայացուցինչների և որոշ հայ դավաճանների հանդիպման վայր՝ վաղուց էր պարզ...Այն,որ Վրաստանը դարձել էր այդ դավաճանների տարանցիկ ուղին դեպի Ադրբեջան՝դա էլ էր վաղուց պարզ: Պարզ էր նաև այն, որ վրացական հատուկ ծառայությունները սերտ համագործակցում են իրենց ազերի գործընկերների հետ: Իսկ հիմա էլ արդեն բացահայտվեց,որ նույն վրացական գաղտնի ծառայությունները ավելի շատ ենթարկվում են Բաքվին,քան Թբիլիսիին:

Կոչ եմ անում մեր հայրենակիցներին այսուհետ Վրաստան մեկնելիս ավելի ուշադիր լինել: Բանդիտական ոճով աշխատող Իլհամ Ալիևի ցանկությամբ դուք էլ կարող է հայնտնվեք Բաքվում:

Հ.Գ. Աֆղան Մուխթարլիի շուրջ աղմուկը գնալով մեծամում է: Դատապարտող հայտարարություններով են հանդես եկել և վրացական իշխանություններից բացատրություններ են պահանջել Եվրամիությունը,Եվրախորհուրդը,մարդու իրավունքների կոմիսարը, «Human Rights Watch»-ը, «Amnesty International»-ը, Թբիլիսիում հավատարմագրված մեծ քանակությամբ դեսպաններ և այլն:

Գագիկ Համբարյան. Ֆեյսբուք: