Խաչիկ Մանուկյանը՝ իր սեփական լրագրողից է թույլտվություն հարցնում

hzham.am-ը գրում է.Շատերը կհամաձայնվեն այն տարածված մտքի հետ, որ հաճախակի կուսակցություններ փոխող մարդն ու մարմնավաճառն իրարից, գրեթե, թե չեն տարբերվում` երկուսն էլ մերձենում են առանց հաճույքի եւ շահի համար:

Երբ նոր էր մեկնարկել 2017 թ-ի ԱԺ համապետական ընտրությունների քարոզարշավը, լրագրողները հարց էին ուղղել «Մաքս Գրուպ» ընկերության սեփականատեր Խաչիկ Մանուկյանին` պարզելու համար, թե ինչպես է, որ լինելով ՀՀԿ խորհրդի անդամ, ԱԺ ընտրություններին մասնակցում է «Ծառուկյան» դաշինքի ռեյտինգային ցուցակով, ինչին Խ. Մանուկյանը պատասխանել էր, թե`«ՀՀԿ-ում տեղ չկար, ԲՀԿ մտա…»:

Առաջին հայացքից պրիմիտիվ հումորով այս պատասխանին կարելի էր անլուրջ վերաբերվել, եթե… Քաղաքական դաշտում, ինչպես նաեւ ողջ Արագածոտնի մարզում լավ գիտեն, որ Խաչիկ Մանուկյանի պատասխանը հումորի կամ լուրջ պատասխանից խույս տալու համար չէր: Պարզապես, նախկին պատգամավորն անկեղծացել էր, եւ ասել այն` ինչն ինքը մտածում էր: Չէ՞ որ առաջին անգամ ՕԵԿ կուսակցատոմսով էր Խաչիկ Մանուկյանը պատգամավոր դարձել, հետո քաղաքական էլիտան «Մաքս Գրուպի Խաչիկին» տեսավ ՀՀԿ-ի կուսակցատոմսով, այսօր նա Բարգավաճում է…

Ինչեւ է, Խ. Մանուկյանի` «ՀՀԿ-ում տեղ չկար, ԲՀԿ մտա…» պատասխանը զայրացրել էր հատկապես ԲՀԿ նախկին ղեկավար, ԲՀԿ-ականների խոսելու մենաշնորհն իր ձեռքը վեցրած Նաիրա Զոհրաբյանին: Վերջինս խստագույնս հանձնարարել էր դաշինքի անդամներին խույս տալ եւ առանց իր թույլտվության չպատասխանել լրագրողների հարցերին:

Իհարկե, դաշինքում կան քաղաքական անհատներ, որ մեղմ ասած, թքած ունեն ծուռ բերանի վրա ու հարկ եղած դեպքերում պատասխանում են լրագրողների հարցերին, սակայն ոչ Խաչիկ Մանուկյանը: Քոթակ կերած աշակերտի հնազանդությամբ նա «թռած» էր լրագրողներից, մինչեւ երեկ` քանի դեռ  իր նախընտրական շտաբում չէր հանդիպել մեր թղթակցին:

Խաչիկ Մանուկյանը վերադարձել էր քարոզարշավից խիստ հիասթափված։ Հարցին, թե ի՞նչն է այդքան բարկացրել թեկնածուին, վերջինս ամբողջ սրտի ատելությունը թափեց խեղճ ազգաբնակչության  վրա։

-Ես գնացել եմ ասում եմ, եկեք ես երկիրը փրկենք, ձեր շարունակության հարցերը լուծենք, ինձ ասում են մեզ պարարտանյութ են բաժանելու։ Այ մարդ ես ի՞նչ ժողովուրդ են, դե թող գնան ու էդպես էլ ապրեն, էդ էլ իրանց քիչ է,- ապա հիշելով, որ զրուցակիցը լրագրող է շարունակում է,-Ես հարցազրույց չեմ կարող տալ, սաղ լրագորղներդ քանդեցիք էս երկիրը, իմ մասին ի՜նչ ասես գրում են, անունները փոխում ու գրում են, անունները փոխում ու գրում են, գնում ես գտնես, ման ես գալիս` չկա ընտենց մարդ։ Ոչ գիտեմ ո~վ են, ման եմ գալիս` չեմ գտնում։ Էնա Ծառույկանը չէ՞ր ասում, լրագրողներ դուք եք էս երկիրի քանդողներից մեկը։ Սու՞տ ա ասում, էնքան մուտիլովկա արեցին, լավին վատ են սարքում, վատին լավ են սարքում, պղտորում են, անձնական կյանքն են մտնում, տո ի՝նչ ասես անում են, ինչ ասես։ Մեր լրատվադաշտի յոթանասուն տոկոսը լրատվադաշտ չի, երեսուն տոկոսն ա, որ մարդիկ մարդ են։ Ես գիշերները մտնում եմ սայտերի ռեյտինգներն  եմ նայում, սայտերի եսիմ ինչն եմ նայում։ Լրատվական դաշտը կոմպլեքսի մեջ ա, ես իմ կարծիքը ժողովրդի մեջ եմ արտահայտում։ Հիմա ես ինչ խոսեմ իմ լրագրողը պատասխանատվությունը կգցի իմ վրա, ես լուրջ եմ ասում, պատահական բան չեմ ասում:  Ես ժամանակակից ձեւերով եմ աշխատում, վատ ա՞։ Սպասեք զանգեմ իմ ղեկավարին, տեսնեմ թույլ կտա՞ հարցազրույց տամ։

-Ձեր ղեկավարն ո՞վ է։

-Իմ սեփական լրագրողը, իմ մոտիկը։ Ինքն անձամբ իմ լրագրողն ա։

Ում զանգահարել էր թեկնածուն, ճղճղան ձայնով հրահանգում էր կտրուկ հրաժարվել հարցազրույցից: Կինը ուրվական տեսածի պես ճչում էր, որ ոչ մի դեպքում հարցազրույց չտաք:

-Հասկացա’, հասկացա’,- խեղճացած տոնով ասաց թեկնածու ու նույն տոնով էլ դիմեց լրագրողիս,-Ինձ թույլ չեն տալիս, եթե հիմա ես մի բան խոսամ, իրենք են պատասխանը տալու, իմ ասածների, ինձ ասում են առանց ինձ ասելու ինտերվյու չտաս, դա շատ լուրջ բան ա, կազմակրեպված ա, խնդրում եմ էլի:

մանրամասն՝այստեղ: