Խանութների դիմապակիներին փակցված զեղչերն իրականությանը չեն համապատասխանում. ՏՄՊՊՀ

Այսօր` հոկտեմբերի 25-ին ՏՄՊՊՀ-ում տեղի ունեցավ Հայաստանի տնտեսական մրցակցության պաշտպանության պետական հանձնաժողովի նիստ, որը վարեց հանձնաժողովի նախագահ Արտակ Շաբոյանը: Նիստի օրակարգում ընգրկված էր երկու հարց, որից մեկը նախատեսում էր մեկ տասնյակից ավելի խանութների պատասխանատվության ենթարկելու հարցը, որոնք անիրական զեղչերի միջոցով մոլորեցրել կամ շփոթեցրել են սպառողներին: ՏՄՊՊՀ-ն դիտարկում է իրականացրել հագուստի վաճառքով զբաղվող մի շարք խանութներում` ուսումնասիրելու վերջիններիս զեղչային քաղաքականությունը: Պարզվել է, որ տասնյակ դեպքերում խանութների դիմապակիներին փակցված զեղչերն իրականությանը չեն համապատասխանում: Օրինակ՝ 50 կամ 70 տոկոս զեղչերը իրականությանը չեն համապատասխանում: Հանձնաժողովը խախտումներ է հայտնաբերել հետևյալ ընկերությունների մոտ` «Ռուժ բուտե», «Բեներիկ» (Համիկ Մարտիրոսյան), «կաշառել խանութ սրահ-ում, որը պատկանում է «Գոհար- Անի ընկերությանը, «Լիգա Էլ Ընդ Ջի» ընկերություն («օրկեստրա»), «Լիոնելա» ընկերություն («Մի-Մի» խանութ սրահ), «Մարտին ՊՕ» ՍՊԸ («Բուգատտի» խանութ սրահ), «Նավավան» ընկերություն («Բրենդաութլեթ» խանութ սրահ), «Սավոյ» ՍՊԸ («Շոկոլադ» խանութ սրահ), «Վարդալ ֆարմ» դեղատուն, «Վենետիկ Սթայլ» ընկերություն («Վենեցիա» խանութ սրահ), «Վիա Արտիս» ընկերություն («Մոսկինո» խանութ-սրահ), «Ալիսա հայկ» ընկերություն («Գեսս» Խանութ-սրահ):

Տնտեսվարողները հանձնաժողովին հայտնել են, որ միտում չեն ունեցել խախտում անելու կամ օրենք շրջանցելու: Ըստ ՏՄՊՊՀ-ի ներկայացուցչի՝ խախտումներից հետո տնտեսվարողներն ընդունել են իրենց կողմից թույլ տված սխալները և հաջորդ օրվանից գովազդային վահանակները փոխվել է: Համիկ Մարտիրոսյանը, ով այսօր ներկայացել էր հանձնաժողովի նիստին, վերջինս ներկայացնում էր «Բեներիկ» ընկերությունը: Ըստ Համիկ Մարտիրոսյանի՝ խախտումները չեն եղել միտումնավոր, քանի որ զեղչերի տարբերությունը ընկերության աշխատակիցների մոտ պատկերացում չի եղել, որ սպառողներին մոլորեցրել են: Ընկերությունը հանձնաժողովի դիտողությունից հետո վերացրել է թերությունները, որից հետո ընկերությունը նաև շնորհակալություն է հայտնել ՏՄՊՊՀ-ին: «Հանձնաժողովը խիստ նկատողություն է տվել տնտեսվարողներին»,- իր խոսքում ասաց ՏՄՊՊՀ-ի նախագահ Արտակ Շաբոյանը և հավելեց, որ Հանձնաժողովը մեկ պայմանով է տվել այդ նկատողությունը, որ տնտեսվարողները հետագայում չկրկնեն իրենց կողմից թույլ տրված խախտումները, իսկ հաջորդ անգամ հանձնաժողովը շատ բարձր ֆինանսական տուգանք է նախատեսում նույն տնտեսվարողներին: