Խաղաղապահների ռազմական ոստիկանությունը պարեկություն է իրականացնում Լաչինի միջանցքում

Ռուսաստանի խաղաղապահ զորախմբի զինծառայողները շարունակում են վերահսկել հրադադարի ռեժիմի պահպանումը և ապահովել տրանսպորտային միջոցների տեղաշարժի անվտանգությունը Լեռնային Ղարաբաղում, ինչպես նաև Լաչինի միջանցքի երկայնքով սննդամթերքի և տարբեր ապրանքների տեղափոխումը:

2020 թվականի նոյեմբերի 12-ից ռազմական ոստիկանության ստորաբաժանումը դա անում է ամեն օր: Պարեկության նպատակը տեղեկատվություն հավաքելն է, տեղանքների ստուգումը, որոնք դիտակետերից չեն երևում, ինչպես նաև ցույց տալ ռուսական խաղաղապահ զորախմբի առկայությունը:

«Լաչինի միջանցքը ճանապարհ է, որը Ստեփանակերտը կապում է Հայաստանի հետ: Ռուսաստանի խաղաղապահ զորակազմը, համաձայն պայմանավորվածությունների, վերահսկում է ոչ միայն ճանապարհը, այլև դրան մատուցները՝ մինչև 5 կիլոմետր շարավղով», - ասել է ռազմական ոստիկանության ստորաբաժանման սպա, փոխգնդապետ Իվան Կուզմինը:

Միջանցքը հսկվում է ամեն օր և եղանակային բոլոր պայմաններում: Պարեկային երթուղիների օրական երկարությունը մոտ 50 կիլոմետր է:

Բացի Լաչինի միջանցքը հսկելուց, Ռուսաստանի խաղաղապահ զորախմբի ռազմական ոստիկանության ստորաբաժանումները պարբերաբար մասնակցում են մարդասիրական գործողությունների ընթացքում անվտանգության ապահովմանը, ինչպես նաև ուխտավորներին ուղեկցում Դադիվանք և Ամարաս վանքեր, որոնք գտնվում են կողմերի սահմանազատման գծի մոտ: Բացի այդ, զինվորականներն ուղեկցում են մարդասիրական նյութերով բեռները՝ Քելբաջարի շրջանի ենթակառուցվածքները վերականգնելու համար և այլն: