Խելքիդ ձյուն գա Էրդողան

Թուրքիայի նախագահ Ռեջեփ Թայիփ Էրդողանը Հայոց ցեղասպանության միջոցառումների մասին հայտարարությամբ է հանդես եկել, տեղեկացնում է "Ակօս"-ը:   "Հայաստանը Ապրիլի 24-ին կայանալիք Գալիպոլիի մեր միջոցառումներն այնպես է ներկայացնում, ասես այն որպես հակահարված ենք անում: Մենք նման խնդիր չունենք: Ինչ ուզում են, թող խոսեն այնտեղ: Ապրիլի 24-ին Թուրքիա ժամանած ավելի քան հարյուր երկրի նախագահներ, վարչապետներ, նախարարներ, դեսպաններ լավ տեսնելու են, թե այստեղ ինչ է կատարվում",-  ասել է Էրդողանը:   Անդրադառնալով ԱՄՆ նախագահ Բարաք Օբամայի՝ Ապրիլի 24-ի ուղերձին` Էրդողանն ասել է,-"Չեմ ցանկանա նման բան լսել հարգելի Օբամայից: Նման բան էլ չեմ ակնկալում: Հայտնի է Թուրքիայի դիրքը ԱՄՆ-ի համար":   Էրդողանն անդրադարձել է նաև Հայոց ցեղասպանության 100-րդ տարելիցի կապակցությամբ Հայաստանում կայանալիք միջոցառումներին:   "Ապրիլի 24-ին Հայաստանում հավաքվելու են, իրենք նվագեն, իրենք երգեն: Խոսելու են և վիրավորանքներ են հնչեցնելու Թուրքիայի հասցեին: Մենք էլ նույն օրը հավաքվելու ենք Չանաքքալեում, սակայն մեր օրակարգում Հայաստանը չկա: Վաղը` ապրիլի 23-ին Ստամբուլում մենք խոսելու ենք աշխարհի խաղաղության մասին, մեր տարբերությունը սա է":   Եվրախորհրդարանի` Հայոց ցեղասպանության վերաբերյալ բանաձին ևս անդրադառնալով` Էրդողանն ասել է. "ԵՄ-ն ոչ միայն մեզանից հետ է, այլև շատ ավելի հեռու: Վերջին հայտարարության մեջ ասում են` "արխիվները պետք է բացվեն": Ես 12 տարի է՝ ասում եմ, որ դրանք պատրաստ ենք բացել ամեն պահի: Կամ սրանք ականջ ունեն, չեն լսում, կամ էլ ուրիշ բաներով են զբաղված: Մենք պատրաստ ենք բացել այդ արխիվները, եթե Հայաստանն էլ  արխիվ ունի,  թող ինքն էլ բացի":