Խնձորի քացախի 14 օգտակար հատկություն, որոնց մասին պետք է իմանալ

 

 1  Փայլուն մազեր ստանալու համար

Մազերի բնական փայլ ստանալու համար մազերը լվանալուց հետո օգտագործեք խնձորի քացախ: Մեկ ճաշի գդալ քացախը անհրաժեշտ է ավելացնել մեկ բաժակ գոլ կամ տաք ջրին ու լվանալուց հետո վերջում դրանով ցողել մազերը:

Հոտի համար մի անհանգստացեք. այն չի մնա ձեր մազերին:

 2  Մազերի թեփի դեմ պայքարելու համար

Խնձորի քացախը բալանսավորում է ջրածնային ցուցիչը (pH), ինչն իր հերթին օգնում է պայքարել թեփի դեմ: Հավասար քանակությամբ տաք կամ գոլ ջուրը խառնեք քացախի հետ ու դրանով մերսեք գլխամաշկը, սպասեք 15-20 րոպե՝ մինչև այն ջրով լվանալը:

 3  Դեմքի մաշկը մաքրելու համար

Խնձորի քացախը բնական հակասեպտիկ ու հակաբակտերիալ հատկություններ ունի: Այն նաև օգնում է բալանսավորել մաշկի ջրածնային ցուցիչը:

Խառնեք մեկ ճաշի գդալ քացախը երկու ճաշի գդալ ջրի հետ: Այնուհետև բամբակի օգնությամբ ստացված հեղուկով մաքրեք դեմքը՝ քսուք օգտագործելուց առաջ: 
Եթե զգայուն մաշկ ունեք՝ կարելի է հեղուկը ստանալ գոլ ջրով:

 4  Սափրվելուց հետո լոսյոնի փոխարեն օգտագործելու համար

Խառնեք երկու ճաշի գդալ խնձորի քացախը երկու ճաշի գտալ ջրի հետ ու սափրվելուց հետո քսեք այն: Ինչպես ավելի վաղ նշվեց, հոտի համար մի անհանգստացեք, այն շատ արագ անհետանում է:

 5  Արևայրուքները բուժելու համար

Բամբակյա կտորը թաթախեք քացախի մեջ ու այն դրեք արևից վնասված մաշկի վրա՝ մաշկի կլպվելը քչացնելու համար: Եթե քացախը ցավեցինի մաշկը, փորձեք դրան մի փոքր ջուր խառնել:

 6  Ակնեների բուժման համար

Խնձորի քացախը կարող է օգնել բուժել ակնեները: Այն կանխարգելում է բորբոքումն ու վարակը՝ այդպիսով կանխելով դրա տարածումը: Քացախն ու ջուրը` համապատասխանաբար 1/3 չափաբաժնով խառնեք ու օրը 2-3 անգամ ակնեները թրջեք ստացված հեղուկով:

 7  Մաշկի վրա մուգ հետքերը (արևի կամ ծերացման հետևանքով առաջացած) բացացնելու համար

Բամբակը թրջեք թանձր քացախի մեջ ու դրեք սև հետքերի վրա՝ գիշերն այդպես թողնելով: Արդյունքը երևալու համար հնարավոր է մի քանի անգամ սա կրկնելու կարիք լինի:

 8  Մերսման, մկանային ցավերի ու մեջքի ցավի համար

Խնձորի քացախի պարունակած թթուները թափանցում ու տաքացնում են մկանները ու ժամանակավոր հանգստացնում մեջքի ցավերը: 
Հավասարաչափ քանակով խառնեք քացախն ու ջուրը: Ստացված խառնուրդով թրջոցը դրեք վնասված հատվածին, միայն թե ուշադիր եղեք. կտրված մաշկը կարող է մի փոքր այրել:

 9  Դիմակ դեմքի մաշկի համար

Մեկ թեյի գդալ խնձորի քացախը խառնեք մեկ թեյի գդալ մեղրի հետ: Ավելացրեք մեկ թեյի գդալ կավ: Այս խառնուրդը քսեք նոր լվացված դեմքի մաշկին, թողեք 20 րոպե, այնուհետև լվացեք գոլ ջրով:

 10  Կապտուկները բուժելու համար

Բամբակը թրջեք քացախի մեջ ու տեղադրեք կապտուկների վրա: Այն կբուժի ու կնվազեցնի կապտուկների չափը: Որքան ավելի վաղ դնեք, այնքան ավելի արագ կանցնեն կապտուկները:

11  Մարսողության խնդիրների կամ ստամոքսի ցավի համար

Խնձորի քացախը կարող է օգնել մարսողության խնդիրներ ունեցողներին: Խառնեք մեկ կամ երկու թեյի գդալ քացախը մեկ բաժակ տաք ջրի հետ, ավելացրեք մեկ ճաշի գդալ մեղր ու դանդաղ խմեք:

12  Էներգիա հաղորդող սննդամթերք

Շատերը պնդում են, որ մեկ բաժակ ջրում լուծված մեկ կամ երկու թեյի գդալ քացախի նույն քանակությամբ մեղրի հետ խառնուրդը օրգանիզմին հրաշալի էներգիա է հաղորդում:

 13  Օգնում է ազատվել ավելորդ քաշից

Սա գիտականորեն ապացուցված չէ,  այնուամենայնիվ, շատերը պնդում են, որ ջրում լուծված 1-2 թեյի գդալ քացախը օգնել է ազատվել ավելորդ քաշից: Այս խառնուրդը կարելի է խմել օրվա ընթացքում կամ ուտելուց առաջ:

Ամենայն հավանականությամբ, այն իսկապես ազդեցություն է գործում, որովհետև այն հարուստ է թթուներով, ինչը օգնում է ճեղքել ածխաջրերը՝ կանխելով օրգանիզմում շաքարի արագ բարձրացումը:

 14  Մրսածության ու գրիպի դեմ

Մեկ բաժակ տաք ջրին ավելացրեք մեկ թեյի գդալ խնձորի քացախ ու մեկ թեյի գդալ մեղր: Խմեք այն թեյի նման: Երեք կամ չորս ժամ հետո կարող եք կրկնել: Անհրաժեշտ է, որ ջուրը եռման չլինի, քանի որ այն կոչնչացնի մեղրի օգտակար հատկությունները: