Խորհրդակցություն ՏԿԱԻՆ-ում

Հուլիսի 20-ին ՀՀ տարածքային կառավարման և արտակարգ իրավիճակների նախարարությունում տեղի ունեցավ հերթական ամենշաբաթյա խորհրդակցությունը, որը վարում էր նախարար Արմեն Երիցյանը:

Փրկարար ծառայության տնօրեն, փ/ծ գեներալ-լեյտենանտ Ս. Ազարյանը զեկուցեց անցյալ շաբաթվա ընթացքում գրանցված պատահարների, ձեռնարկած միջոցառումների, կատարված հանձնարարականների և ընթացիկ աշխատանքների մասին: Շաբաթվա ընթացքում փրկարար ծառայությունն արձագանքել է 743 դեպքի: Նախարարին զեկուցվեց 21 սահմանամերձ համայնքներում ազդարարման համակարգի տեղադրման մասին: Ս. Ազարյանը զեկուցեց նաև Բելառուսի Մինսկ քաղաքում անցկացվող պատանի հրշեջ-փրկարարների միջազգային առաջնությունում նախարարության պատանի փրկարարների խմբի ձեռքբերումների մասին

։
ՀՀ ՏԿԱԻՆ պետական հրդեհային և տեխնիկական անվտանգության տեսչության պետ Ա. Մկրտչյանը զեկուցեց հանրապետության տարածքում գազալցակայանների ստուգումների արդյունքների մասին:
ՏԿԱԻՆ հիդրոմետ ծառայության պետ Լ. Վարդանյանը ներկայացրեց առաջիկա օրերի եղանակի կանխատեսումը: Ծառայության պետը հայտնեց, որ հուլիսի 26-ից ջերմաստիճանը կբարձրանա:
ՀՀ ՏԿԱԻՆ «Մթնոլորտային երևույթների վրա ակտիվ ներգործության ծառայություն» ՊՈԱԿ-ի տնօրեն Ա. Կարապետյանը զեկուցեց շաբաթվա ընթացքում հակակարկտային կայանների աշխատանքների մասին: Նախորդ շաբաթ Լոռու, Արագածոտնի, Տավուշի և Շիրակի մարզերում դիտվել են կարկտավտանգ ամպեր: Գործել է 60 հակակարկտային կայան, իրականացվել է մոտ 16.000 կրակոց

:
ՏԿԱԻՆ համակարգի աշխատողների արհմիութենական կազմակերպության նախագահ Լ. Մելիքյանը զեկուցեց նախարարության ստորաբաժանումների, ինչպես նաև մարզային փրկարարական վարչությունների աշխատակիցների երեխաների հանգստի կազմակերպման մասին: Այս տարի, ինչպես և նախորդ տարի, երեխաները 10-օրյա ամառային հանգիստ կանցկացնեն Լոռու «Գուգարք» ճամբարում: Երեխաներին սպասվում են հետաքրքիր և հագեցած օրեր: Ճամբարում կկազմակերպվեն գեղարվեստական և սպորտային տարբեր միջոցառումներ, իսկ Լոռի մարզի փրկարար վարչության աշխատակիցները կկազմակերպեն ուսումնավարժանքներ և դասընթացներ:
Ամենշաբաթյա խորհրդակցությանն առցանց մասնակցող ԼՂՀ ԿԱ արտակարգ իրավիճակների պետական ծառայության տնօրենը և մարզային փրկարար վարչությունների պետերը զեկուցեցին շաբաթվա ընթացքում գրանցված պատահարների և ընթացիկ աշխատանքների մասին։