Խոշոր ավտովթար Երեւանում. Մեքենան հայտնվել է կանաչ գազոնում (ֆոտո)

Երեկ՝ ապրիլի 1-ին, խոշոր ավտովթար է տեղի ունեցել Երեւանում:

Ժամը 22:40-ի սահմաններում, Կոմիտաս պողոտայի եւ Փափազյան փողոցի խաչմերուկում բախվել են «Mercedes» մակնիշի 35 DA 447 համարանիշի եւ «Toyota Corolla» մակնիշի 34 RZ 470 համարանիշի ավտոմեքենաները:

Shamshyan.com-ի փոխանցմամբ, վթարի հետեւանքով 3 հոգի մարմնական վնասվածքներով տեղափոխվել են հիվանդանոցներ: 

Վիրավորներին առաջինը օգնության են հասել քաղաքացիները, հետո արդեն ժամանած փրկարարները հոսանքազրկել են ավտոմեքենաները, փակել գազաբալոնները եւ սահմանազատել տարածքը:

Փաստի առթիվ նյութեր են նախապատրաստվում:

Ոստիկանությունը պարզում է վարորդների եւ վիրավորների ինքնությունը:

Բախման հետեւանքով «Mercedes»-ը դուրս է եկել ճանապարհի երթեւեկելի գոտուց եւ մասամբ մխրճվել կրպակի մեջ՝ հայտնվելով կանաչ գազոնի վրա, կոտրելով կրպակի երկաթյա սյուները: