Խոշոր գործարար Սամվել Մայրապետյանը երկու ամսով կալանավորվեց.armtimes.com

Խոշոր գործարար Սամվել Մայրապետյանը երկու ամսով կալանավորվեց:

Այս մասին armtimes.com-ի  հարցին ի պատասխան ասել է  նրա պաշտպան Կարեն Բատիկյանը,սակայն  հրաժարվել է պատասխանել լրագրողների այլ հարցերին, արագ նստել է  մեքենան ու հեռացել:

Նախաքննական մարմինը նրան կալանավորելու միջնորդություն էր ներկայացրել դատարան: Սամվել Մայրապետյանը նույնպես դատարան էր բերվել՝ առավոտյան ժամը 11:00-ի սահմաններում:

Նա մեղադրվում է ՀՀ ՔՕ 38-311 հոդվածի հատկանիշներով (կաշառք ստանալուն օժանդակելը): Առաջադրված մեղադրանքում Մայրապետյանն իրեն մեղավոր չի ճանաչում:

Մայրապետյանը ձերբակալվել է հոկտեմբերի 6-ին: ՀՔԾ-ն մինչեւ այսօր գաղտնի էր պահում, թե ինչ կասկածանք է խոշոր գործարարին առաջադրված: Նրա պաշտպանները գործում քաղաքական ենթատեքստ չեն տեսնում: