«Խոստում» ֆիլմը հասել է իր նպատակին. The Economist-ի անդրադարձը

The Economist բրիտանական հեղինակավոր պարբերականը գրում է.

«Հայոց ցեղասպանության մասին «Խոստում» ֆիլմը չի ստեղծվել ֆինանսական մեծ շահույթ ստանալու համար, ֆիլմի ստեղծման նպատակը հաճախ անտեսվող պատմական իրադարձության վրա լույս սփռելն է:

Պատմական դրամա ազգային ողբերգության մասին` սա այն ֆիլմերից է, որը Հոլիվուդը սիրում է, սակայն աշխարհաքաղաքական մտավախություններից ելնելով, Հոլիվուդն առ այսօր չէր անդրադարձել այս թեմային:

Այսօր բազմաթիվ գիտնականներ հայերի զանգվածային կոտորածն Օսմանյան կայսրությունում ճանաչել են որպես ցեղասպանություն, իսկ Թուրքիան՝ ոչ:

Պարբերականը, պատմելով ֆիլմի սյուժեի մասին, գրում է, որ այն 100 միլիոն դոլարի բյուջե ունի և ստեղծվել է Քըր Քըրքորյանի նվիրատվության շնորհիվ:

««Խոստում»-ը հասել է իր նպատակին: Մի օր, երբ Հայոց ցեղասպանության պատմությունը պաշտոնապես վերագրվի, «Խոստում» ֆիլմը կունենա դրանում իր դերակատարումը»,-գրում է Economist-ը: