Խուլ տարաձայնություններ Լոռու մարզում. Արթուր Նալբանդյանի շուրջ օղակը սեղմվո՞ւմ է...

ԱՍԵԿՈՍԵ 

Թեեւ Լոռու մարզի ՀՀԿ-ական մարզպետ Արթուր Նալբանդյանը այս օրերին ջանք ու եռանդ չի խնայում մարզում կայունություն հաստատելու ու  ՀՀ Կառավարությանը  իր աշխատանքի ցուցանիշները  ի ցույց դնելու համար, այնուամենայնիվ, չար լեզուներն ասում են, որ Նալբանդյանից մարզում բոլորը չէ որ գոհ են ՝ նրա ապահոված ցուցանիշների  ու աշխատանքների հետ կապված: Շրջանառվող լուրերի համաձայն, վերջին ժամանակներս մարզպետ Նալբանդյանից խուլ դժգոհություններ են նկատվում, թե' կրութության ոլորտի ներկայացուցիչների, թե՛ տեղական իշխանիկների կողմից, որոնցից  շատերը նախ եւ առաջ դժգոհում են մարզպետի կողմից տարվող փոքր-ինչ խուճուճ քաղաքականության հետ կապված: Ճիշտ է, ՀՀԿ-ի թեւից որոշ կարկառուններ  պահում են Նալբանդյանի "թիկունքը", բայց եւ նույն լուրերի համաձայն, Նալբանդյանի նկատմամաբ  մարզի բնակչության ներկայիս վերաբերմունքը մտորելու տեղիք է տալիս: Ի դեպ, չար լեզուներն ասում են, որ Նալբանդյանը այս օրերին առավել լարված հարաբերությունների մեջ է մարզի նախկին տեղական  իշխանիկների հետ, որոնց նկատմամբ նա առավել կոշտ վերաբերմունք է սկսել   դրսեւորել: Իսկ թե դեռ ինչ նոր անակնկալներ ու նոր ճեղքեր  ի հայտ կգան հատկապես համայնքների խոշորացման գործընթացի բարդ ու դժվարին ճանապարհին կերեւա՝ առաջիկայում: