Ընդամենը պաշտոնանկությո՞ւն

Այսօր ՀՀ նախագահ Ս.Սարգսյանի հրամանով պաշտոնանկ են արվել Հայաստանի Հանրապետության զինված ուժերի գլխավոր շտաբի հետախուզության վարչության պետ գեներալ-մայոր Արշակ Կարապետյանը և զինված ուժերի կապի զորքերի պետ–կապի և ավտոմատացված կառավարման համակարգերի վարչության պետ գեներալ-մայոր Կոմիտաս Մուրադյանը...Զարմանալի է,որ այս մարդիկ ընդամենը պաշտոնանկ են արվել...Ապրիլյան կարճատև պատերազմը բացահայտվեց մեր հետախուզության բացթողումները, իսկ ավելի ճիշտ՝անգործությունը...Երեկ,Bloomberg-ին տված հարցազրույցում ՀՀ նախագահը բացահայտել էր մեր հետախուզության կոպիտ սխալները...Ըստ նախագահի,մեր հետախույզները տեղեկացրել են իշխանություններին,որ Ադրբեջանը նախապատրաստվում է կրկին դիվերսիաներ կազմակերպել Արցախի և Ադրբեջանի սահմանին,և մեր իշխանությունները հանկարծակիի են եկել ազերիների լայնամասշտաբ հարձակումից...Այսինքն՝Արշակ Կարապետյանի և նրա ենթակաների կոպիտ սխալի պատճառով ռազմական գործողությունների առաջին ժամերին մենք ունեցել ենք բավական զոհեր...Մեր հետախույզները չեն նկատել,թե Ադրբեջանն ինչպես է Արցախի և Ադրբեջանի սահմանային շրջաններ տեղափոխել ամենաքիչը 8 հազար զինվորական և ահռելի քանակությամբ ռազմական տեխնիկա...Ու այս սխալը կատարած զինվորականը ընդամենը զրկվում է իր պաշտոնից... Ամենամինիմալը նրան պետք է գեներալի կոչումից զրկել,իսկ մաքսիմալը՝քրեական գործ հարուցել՝"անփությություն" և "պաշտոնական դիրքի չարաշահում" հոդվածներով...Այս մարդիկ նաև ֆինանսական տույժի պետք է ենթարկվեն...Համոզված եմ,որ այս գեներալների ավտոտնակներում կանգնած մեքենաները 100-ից 200-ր հազար դոլլար կարժենան,իսկ առանձնատները՝մի քանի միլիոն...Շատ խիստ պետք է պատժվեն նաև Արցախի տարածքում տեղակայված զորամասերի այն հանցագործ հրամանատարները,որոնց ենթակայության տակ գտնվող ռազմական տեխնիկան մեղմ ասած չի աշխատել...
Միայն "վիրահատական" և խիստ պատիժների միջոցով կարելի է վերջ դնել այն լճացման երևույթներին,որոնք գոյություն ունեն մեր բանակում և զգաստացնել նրաց,ովքեր իրենց պարտականություններին նայել և նայում են մատների արանքով...

Գագիկ  Համբարյան