Ընգեր ուզո՞ւմ ես քո տեղը նստեմ, դե ես գնացի «բռատ», արի մի հատ պաչեմ. Տույի դատը հետաձգվեց

hraparak.am-ը գրում է.Կենտրոն և Նորք Մարաշ ընդհանուր իրավասության դատարանի դահլիճը երբեք այդքան մարդաշատ չէին եղել։ Այնքան մարդ էր հավաքվել, որ նրանց մի մասին նույնիսկ ստիպված եղան դուրս հրավիրել դահլիճից։ Այսօր Արթուր Ղազարյանի դատական գործի քննությունն էր, ով քրեական աշխարհում առավել հայտնի է Տույ մականունով։ Տույին մեղադրանք է առաջադրվել այն բանի համար, որ նա գործով չպարզված հանգամանքներում ապօրինի կերպով ձեռք է բերել և կրել հրազեն հանդիսացող «Վիկինգ» մոդելի 9մմ տրամաչափի գործարանային արտադրության ակոսափող ատրճանակ և ռազմամթերք հանդիսացող 9մմ/9X19/ տրամաչափի թվով 17 փամփուշտներ, որոնք նրա մոտ հայտնաբերվել է ՀՀ ոստիկանության Կենտրոնականի բաժնում կատարված անձնական խուզարկության ժամանակ:

Վերջինիս փաստաբան Երեմ Սարգսյանն այսօր պետք է հանդես գար պաշտպանական ճառով, սակայն չէր ներկայացել դատական նիստին, քանի որ նույն ժամանակ մասնակցում էր Գյումրիում տեղի ունեցող մեկ այլ դատական նիստին։ Տույն, իհարկե, պնդեց, որ ցանկանում է, որ իր պաշտպանը ներկա գտնվի դատական պրոցեսին, և դատավորը ստիպված եղավ հետաձգել նիստը, հաջորդ դատական նիստը տեղի կունենա հոկտեմբերի 2-ին․ «Այնուամենայնիվ կցանկանայի, որ իմ անունից փոխանցեիք Ձեր պաշտպանին, որ 2-3 դատական նիստ է չեմ կարողանում այսպես ասած լսել պաշտպանական ճառը, թող իր մյուս գործերը մի կողմ թողնի և ներկայանա այս դատական նիստին։ Մենք արդեն դատաքննական քննության ավարտին ենք հասել և ընդամենը պետք է լսենք պաշտպանական ճառը և գնանք դեպի դատական քննության ավարտը»․-ասաց դատավոր Մեսրոպ Մակյանը։

մանրամասները՝ սկզբնաղբյուրում: