Յուվեցի Կարոն Նաիրա Զոհրաբյանի աչքին խաղաղության մունետիկ է երեւում

Comment

ԲՀԿ խմբակցության քարտուղար Նաիրա Զոհրաբյանը Վերնիսաժի դեպքերի ու երեւանյան կրակահերթերի մասին.

-Ես նորից կնշեմ. ինձ համար բացարձակ նշանակություն չունի, թե ով ում բարեկամն է, կամ մերձավորը: Որեւէ մեկը չպետք է իրեն օրենքից վեր դասի, եւ չպետք է մտածի, որ իրեն կարելի է, որովհետեւ ինքն այս կամ այն անձնավորությունն է: Ոչ մեկին չի կարելի օրենք խախտել, բոլորն օրենքի առաջ պետք է հավասար լինեն: Սակայն ինչ վերաբերում է Կարո Կարապետյանին, պետք է նշեմ, որ կոնկրետ այս դեպքում որոշակի խնդիրներ կան, որոնց հիմա ես չէի ցանկանա անդրադառնալ:

ԲԱՐԳԱՎԱՃ ԿՈՆԿՐԵՏՈՒԹՅՈՒՆ ԸՍՏ ՆԱԻՐԱ ԶՈՀՐԱԲՅԱՆԻ

Այս ոսկեղենիկ միտքը պատկանում է բարգավաճ քաղշեփորուհուն: Այսինքն՝ տիկին Նաիրային: 
Այսինքն՝ կա երկու ճշմարտություն, մեկը ալամ աշխարհի, այսինքն՝ Հայաստանի, մյուսը՝ ծառուկյանական երկրի: Ալամ աշխարհում, այս պարագայում՝ Հայաստանում, կան անհամար սրիկայություններ, անթիվ ստահակություններ, անվերապահ տխմարություններ, որոնք, ինչ խոսք, արժանի են պախարակման և փետրահանման, բայց, պարզվում է, Ծառուկյանգրադում կարելի է ամեն բան, և սա մեզ ավետում է ժամանակի նշյալ գլխավոր գնդակոծիչ Նաիրա Զոհրաբյանը, ում համար բարգավաճ կրակող Յուվեցի Կարոն խաղաղության մունետիկ է, նրա գյուլլի դաժան վերքը՝ բալասան և այլն:
Այսպիսով, տիկին Նաիրան սրտակեղեք քարոզում է ՀՀ-ում ունենալ երկու օրենսգիրք, մեկը ալամ աշխարհի, այսինքն՝ Հայաստանի համար, մյուսը՝ յուր կրակող ԲՀԿ-ականների:
Ահավասիկ պատմում են, որ Նաիրան տառապագին մտմտում է նշյալ օրենսգրքի վրա:
Ի դեպ, օրենսգրքի խմբագիր-կազմողներն են Կարոն Յուվեցի, Ռուբենը Ծաղկափթիթ, Միքայելը Մարդումակերտ,եւ այլոք:
Ինչպես ասում են`փողին մուննաթ օրենսգիրք չէ, կարելի է դատաստանագիրք էլ`ստեղծել ԲՀԿ-ական <մարկայով>:

Ա. Ա