«Զապը» չի՞ արտահանձնվի.

«Հայկական Ժամանակ»-ը գրում է, որ «օրենքով գող» Անդրանիկ Սողոյանի՝ Զապի՝ Չեխիայի Հանրապետությանը արտահանձնելու մասին:
Սողոյանի պաշտպան Վահագն Մարտիրոսյանը Կենտրոն և Նորք-Մարաշ վարչական շրջանների դատարանի՝ Սողոյանի կալանավորման մասին որոշումը բողոքարկել է Վերքննիչ դատարան:

Լրատվամիջոցը զրուցել է պաշտպանի հետ, որի ժամանակ Վ.Մարտիրոսյանն ասել է, որ Ա.Սողոյանն իրեն մեղավոր չի ճանաչում: Պաշտպանը նաև ասել է, որ Ա.Սողոյանը Չեխիայում նույնպես պաշտպան ունի, ով բողոքարկել է Պրահայի մունիցիպալ դատարանի դատավճիռը:

Միաժամանակ պաշտպանը նաև նշել է, որ Վերաքննիչ դատարանի և Չեխիայում բողոքարկված դատավճռի մասին որոշումից հետո միայն կարող է խոսել գործից: «Օրենքով գող» Զապը հստակ ցուցում է տվել ԶԼՄ-ներին հարցազրույցներ չտալ:

Արդարադատության նախարարությունից էլ թերթին տեղեկացրել են, որ Ա.Սողոյանի վերաբերյալ դատախազությունից ուղարկված փաստաթղթերի փաթեթը իրենք դեռ չեն ստացել:

Ինչպես «Հայկական Ժամանակ»-ն է գրում, դեռևս հայտնի չէ, թե արդյոք Չեխական կողմը դիմե՞լ է Հայաստանին՝ Անդրանիկ Սողոյանին արտահանձնելու հարցով:

Միաժամանակ արտահանձնման թեմայի շուրջ լրատվամիջոցը զրուցել է նաև փաստաբան Լուսինե Սահակյանի հետ, ով իր խոսքում ասել է, որ ըստ ՀՀ օրենսդրության՝ արգելվում է ՀՀ քաղաքացիներին արտահանձնել այլ երկիր:

Իսկ հարցին, թե եթե չեխական կողմը այնուամենայնիվ հիմնավոր միջնորդություն ներկայացնի՝ Սողոյանին արտահանձնելու վերաբերյալ, այդ դեպքում ի՞նչ որոշում պետք է կայացնել, փաստաբանը պատասխանել է, որ ոչ մի դեպքում արտահանձնման իրավունք չկա:

Հոդվածն ամբողջությամբ կարող եք կարդալ «Հայկական Ժամանակ» օրաթերթի` 06.11.2014թ. համարում: