Նախարարի եղբայրը գյուղը սեփական կալվածքն է դարձրել՝ համագյուղացիներից ստացված բերքից էլ «նալոգ» է վերցնում

Hraparak.am-ը գրում է.Բնապահպանության նախարար Արամայիս Գրիգորյանի եւ ԱԺ պատգամավոր Արայիկ Գրիգորյանի գյուղապետ եղբորը՝ Սուրիկին մամուլը պարբերաբար անդրադառնում է: Նա գյուղն իր սեփական կալվածքն է դարձրել՝ համագյուղացիներից ստացված բերքից «նալոգ» է վերցնում, ամենայուղոտ հողատարածքները գրչի մի հարվածով ընտանեկան դարձնում: Իսկ երեկ նա մարզպետարանի նիստի ժամանակ ցնցող հայտարարություն է արել:

Հովիկ Աբրահամյանի հովանավորչությունն ունեցող Արարատի նորանշանակ մարզպետ Ռուբիկ Աբրահամյանի հրավիրած մարզպետարանի առաջին նիստը բավական ինտրիգային է եղել: Երբ ֆինանսների վարչության պետն արձանագրել է, որ մարզը հավաքագրումների առումով զիջում է ավելի քան 6 մարզերի, նորանշանակ մարզպետը փորձել է «մուսկուլները ցուցադրել» եւ հանդիմանել է. «Ի՞նչ եք կարծում՝ անհարմար չի՞ գնամ փոխվարչապետի մոտ, ասեմ՝ չեմ կարողանում հավաքեմ գումարները, որովհետեւ ժողովրդի վիճակը լավ չէ, բայց չէ՞ որ կան գյուղեր, որոնք այդ խնդրի առաջ չեն»: Աբրահամյանը խիստ տոնով նախազգուշացրել է վարչության բոլոր պետերին՝ եթե կարճ ժամանակում չկարողանան համայնքապետերի հետ աշխատել եւ մոտ 67 մլն-ի հավաքագրում իրականացնել, «շատ վատ» խոսակցություն է ունենալու նրանց հետ։ Ես հետամուտ եմ լինելու այն մարդկանց նկատմամբ, ովքեր հովանավորյալներ ունեն, բայց անգործ նստած են, գնացեք՝ թող իրենց գործին գիտակ մարդիկ գան աշխատեն: Թող աշխատի այն մարդը, ով կարող է, ոչ թե հովանավորյալների շնորհիվ մնա պաշտոնի,- գրեթե այսպիսի տեքստ է արտասանել մարզպետը:

Բայց պարզվել է, որ այս հարցում «առաջամարտիկն» Ավշար գյուղն է՝ զրո ցուցանիշով: Նորանշանակ մարզպետը փորձել է խիստ հանդիմանական տոնով Ավշարի գյուղապետից պատճառը ճշտել: «Կառավարությունում գիտեն պատճառը»,- առանց այլեւայլությունների ասել է Ավշարի գյուղապետը՝ հանդիսավորությամբ ոտքի կանգնելով։

Մանրամասները` սկզբնաղբյուրում: