«Շրջանառության հարկի մասին» օրենքը բիզնեսի տեսակետից լավն է, բայց դրա կիրառումը ՀՀ-ում անհնարին է՝ տուժում է ՓՄՁ-ն

Tert.am-ը գրում է.Դեռևս հունիսին Կառավարությունը որոշում կայացրեց փոփոխություն իրականացնել «Շրջանառության հարկի մասին» օրենքում և նվազեցնել առևտրի ոլորտում գործող շրջանառության դրույքաչափը՝ 3.5 %-ից դարձնելով 1%: Հոկտեմբերի 1-ից ուժի մեջ մտնող օրենքը առևտրով զբաղվողներին պարտադրում է հարկային մարմիններին ներկայացնել ապրանքների ձեռքբերման մասին համապատասխան փաստաթղթեր, հակառակ դեպքում տնտեսվարող սուբյեկտները կտուգանվեն: Օրենքի վերջին դրույթը մեծ աղմուկ է բարձրացրել առևտրով զբաղվողների շրջանում, որոնք երեկ իրենց բողոքի ձայնը բարձրացրին կառավարության շենքի առաջ:

Tert.am-ի հետ զրույցում «Հրազդան» տոնավաճառի աշխատակից Նունե Գևորգյանը նշեց, որ նոր օրենքով իրենք ստիպված պետք է լինեն ներմուծվող ցանկացած ապրանքի համար հաշիվ-ապրանքագիր ներկայացնել, այսինքն՝ ամեն ապրանքի համար պետք է մաքսազերծում իրականացվի, մինչդեռ մաքսազերծում կատարվում էր կիլոգրամով և, ինչպես աշխատակիցներն են ներկայացնում, մի քանի մոնոպոլ դիրք ունեցող միջնորդ կազմակերպությունների կողմից:

«Այստեղ խնդիր է առաջանում հին ապրանքների հետ: Հնարավոր չէ ամեն ապրանքի համար հաշիվ-ապրանքագիր կազմել, դա աբսուրդ է դառնում»,- ասաց նա

Վերջինս նաև նշեց, որ հիմնականում մեծածախ առևտրով զբաղվողները ապրանքը տալիս են վաճառողներին, իսկ գումարը ստանում են այն ժամանակ, երբ արդեն վաճառված է լինում տվյալ ապրանքը: Իսկ այդ դեպքում նոր օրենքը դժվարություններ կառաջացնի նրանց համար, ինչպես նաև կավելացնի հարկային բեռը:

«Վարչապետն ասում է, որ այսպես փոքր և միջին բիզնեսի միջոցով տախտակամած են ստեղծում, որպեսզի ստվերային տնտեսությունները հանեն ջրի երես, բայց մենք դեռ չգիտենք, թե դա ինչպես են անելու»,- ասաց նա:

մանրամասները՝ սկզբնաղբյուրում: