Ռուսաստանում կրճատվում է շինարարությունը և տնտեսության այլ ճյուղեր․ Հարվածի տակ են հայ և օտար արտագնա աշխատողները

1in.am-ը գրում է.Ռուսաստանի նկատմամբ կիրառվող արևմտյան պատժամիջոցները, նավթի գների շարունակական անկումն արդեն մյուս տարվանից տեսանելի ազդեցություն կթողնեն ՌԴ տնտեսության, մասնավորապես՝ ՀՆԱ-ի ցուցանիշների վրա: Մի շարք ռուսաստանցի տնտեսական վերլուծաբանների համոզմամբ՝ առանց պատժամիջոցների և նավթի գների գործոնների ևս նախորդ տարիներին ՌԴ կառավարությունը չէր կարողացել ապահովել նախապես ծրագրված տնտեսական աճը, ինչը նշանակում է, որ գալիք տարին է՛լ ավելի հոռետեսական գնահատականների առիթ կտա: 2015թ. ՌԴ տնտեսությունը կթևակոխի բացասական դաշտ, և դա ճգնաժամային կլինի ռուսական տնտեսության համար:

Արդեն մի քանի ամիս է, ինչ քննարկվում է, որ այս իրավիճակը կանդրադառնա նաև Հայաստանի վրա, կնվազի Հայաստան եկող տրանսֆերտների, ներդրումների քանակը, և դժվար կացության մեջ կհայտնվեն մի քանի հազար ռուսական ընկերություններ, որոնք ներկայացուցչություններ ունեն Հայաստանում: Սակայն Ռուսաստանում դեռևս ստեղծվելիք իրավիճակն արժանի է շատ ավելի մանրամասն վերլուծության, քանի որ Հայաստանն այդ երկրում ունի բացառիկ ծավալով աշխատուժ, և տրանսֆերտների նվազում ասելով՝ տնտեսագետները նկատի ունեն հենց այդ աշխատուժի փոխանցած գումարը Հայաստան:

Թերևս կա շատ ավելի խորքային խնդիր. ըստ ռուսաստանցի փորձագետների՝ ՌԴ տնտեսության դժվարությունները հաղթահարելու, իրավիճակի բացասական ազդեցությունը փոքր-ինչ թեթևացնելու համար ՌԴ իշխանությունները ստիպված կլինեն զոհաբերել որոշակի ոլորտներ, պրոյեկտներ, իսկ այդ ոլորտները մեծ մասամբ հենց նրանք են, որտեղ աշխատում են Ռուսաստանի օտարերկրյա միգրանտները:

մանրամասնեչը՝ սկզբնաղբյուրում