Բոլոր առաջարկներն էլ պետք է լսել, բայց երբ ուլտիմատի լեզվով են խոսում իշխանության հետ՝ բերում է հակադրման. Նիկոյան

ԱԺ նախկին նախագահ, «Հանրապետական» խմբակցության անդամ Սամվել Նիկոյանը ոչ իշխանական ուժերի և իշխանության միջև երկխոսություն սկսելու անհրաժեշտության տեսնում է, բայց կարծում է, որ քաղաքական իրավիճակի լիցքաթափման համար իշխանությունները պետք է գնան ոչ թե ընդդիմության լիդերների բարձրացրած հարցերի լուծման ուղղությամբ, այլ հետևեն, թե ինչ է ուզում ժողովուրդը։ «Լիդերների ցանկությունը պարզ է և ամբողջ աշխարհում նորություն չի։ Նրանք ուզում են շուտ իշխանափոխություն»,-Tert.am-ի հետ զրույցում ասաց Նիկոյանը և հավելեց, որ թեև ներքաղաքական այս իրավիճակում ինքն ավելի ռադիկալ լուծումների կողմնակից է, բայց նաև հասկանում է, որ հանդուրժողականությունը պետության համար շատ ավելի արդյունավետ է։ Նիկոյանի խոսքով՝ ցանկացած առաջարկ պետք է լսել, բայց երբ ուլտիմատի լեզվով են խոսում իշխանության հետ՝ դա միշտ բերում է բնական հակադրման։

-Պարո՛ն Նիկոյան, ոչ իշխանական ուժերի և իշխանության միջև երկխոսություն սկսելու անհրաժեշտություն տեսնո՞ւմ եք։ Եվ համամի՞տ եք արդյոք ոչ իշխանականների այն մտքի հետ, որ ներքաղաքական լարվածությունն այդքան մեծ է, որ Սերժ Սարգսյանը հանձնարարեց ևս մեկ անգամ անդրադառնալ 12 կետերին։

-Ընդդիմության հետ համագործակցության առաջարկ Հանրապետական կուսակցությունը պարբերաբար արել է և առաջարկել է տարբեր ձևաչափեր՝ սկսած կոալիցիոն համագործակցությունից մինչև կոնկրետ առաջարկների քննարկում և հնարավորության դեպքում իրականացում։ Ես ևս մեկ անգամ համոզվեցի, թե ինչ է նշանակում ունենալ անսահման հանդուրժողականություն և կարողանալ բոլոր այդ վիրավորանքներին, հարձակումներին, սպառնալիքներին պատասխանել շատ հանգիստ և կառուցողական կերպով: Ճիշտն ասած, ես այն մարդկանցից էի, որ այդ իրավիճակում ավելի ռադիկալ լուծումների կողմնակից էր, բայց, երևի թե, հանդուրժողականությունը կամ անսահման բարությունը պետության համար շատ ավելի արդյունավետ է, քան ասենք, կոնկրետ հարցերին սպառիչ պատասխան տալը և ամեն ինչը իր տեղը դնելը: Ես հաճելիորեն ուրախացած եմ, որ նման լարված իրավիճակում բարությունն է խնդիր կարգավորում:

Ամբողջ հոդվածը՝ սկզբնաղբյուր կայքում