Կասպշիկը կարող էր հայ-ադրբեջանական հակամարտության նույնպիսի անվտանգ մշտադիտարկում իրականացնել Վիսլայի ափերին. Հայկական Ժամանակ

Այն պահվածքը, որ վերջին օրերին դրսևորեց ԵԱՀԿ նախագահի ներկայացուցիչ Անջեյ Կասպշիկի ղեկավարած առաքելությունը, այլ կերպ, քան զավեշտ, դժվար է անվանել: Այդ առաքելությունը ժամանակ առ ժամանակ հայ-ադրբեջանական շփման գծի դիտարկում է իրականացնում պարզելու համար, թե արդյո՞ք շփման գծում ինչ-որ ռազմական ակտիվություն կա և արդյո՞ք հրադադարի ռեժիմի խախտումներ տեղի են ունենում: Եվ ահա, երեքշաբթի օրը Կասպշիկի առաքելությունը դիտարկում է իրականացրել հայ-ադրբեջանական շփման գծի Ասկերանի հատվածում և հայտարարել, որ հրադադարի ռեժիմի խախտումներ չեն արձանագրվել:

Ամեն ինչ, իհարկե, նորմալ կլիներ, եթե չլիներ մի փոքրիկ բայց: Մենք բոլորս գիտենք, որ ընդամենը 20 կիլոմետր այն վայրից հեռու, որտեղ Կասպշիկն ու իր խումբը դիտարկում են իրականացրել, ըստ էության, մարտական գործողություններ են ընթանում հայկական և ադրբեջանական դիրքերի միջև, և այդ իրավիճակը կապված է ադրբեջանական ուժերի կողմից հայկական ուղղաթիռի խոցման հետ: Ինքը Կասպշիկը, այս իրավիճակը բացատրել է նրանով, որ դիտարկման տեղերը համաձայնեցվում են նախապես, և տվյալ հատվածում դիտարկում անելու պայմանավորվածությունը ձեռք բերված է եղել նախքան ուղղաթիռի հետ կապված միջադեպը:

Եթե պարոն Կասպշիկը խաշի մեծ երկրպագու չէ, իր հայրենի Եվրոպայից անհանգիստ Կովկաս հասնելու կարիք չուներ: Նա, օրինակ, կարող էր հայ-ադրբեջանական հակամարտության նույնպիսի անվտանգ մշտադիտարկում իրականացնել Վիսլայի ափերին, ավստրոհունգարական սահմանի վրա. Լա Մանշի նեղուցը կարող է դիտարկել, հետաքրքիր է, այնտեղ հրադադարի ռեժիմի խախտումներ արձանագրվո՞ւմ են, թե ոչ: Իսկ խոցված ուղղաթիռի մասին Լա Մանշի ափին որևէ նորություն ունե՞ն:

Մանրամասները՝ թերթի այսօրվա համարում։