Շիրակի մարզի շատ հայտնի օլիգարխներ կնախանձեին սիրված մարզիկների կատարած բարեգործական քայլին. ՖՈՏՈՌԵՊՈՐՏԱԺ
Shamshyan.com-ը գրում է. Այսօր՝ հունվարի 28-ին, Հայոց բանակի 23-րդ տարեդարձի առթիվ ճանաչված ու հռչակավոր մարզիկներ, հունահռոմեական ոճի ըմբշամարտի աշխարհի չեմպիոններ Արսեն Ջուլֆալակյանն ու Արթուր Ալեքսանյանն անակնկալ մատուցեցին Գյումրիի Ֆրիտյոֆ Նանսենի անվան երեխաների խնամքի և պաշտպանության N 2 գիշերօթիկ հաստատության սաներին:
Ինչպես Գյումրիից հայտնում է ֆոտոլրագրող Գագիկ Շամշյանը, մեր մարզիկներն իրենց կողմից հաստատությանը նվիրեցին կարևորագույն ու թանկարժեք մարզագույք և խոհանոցային պարագաներ:
Այս պահին դահլիճում սաներն իրենց երգ ու պարով շնորհակալություն են հայտնում գյումրեցի մարզիկներին, ովքեր իրենց հերթական բարեգործությունը կատարեցին մանկատան համար: Ֆոտոլրագրողը հայտնում է նաև, որ բարեգործական այդ ակցիան մարզիկների հետ կազմակերպել է ճանաչված ու սիրված մարզական մեկնաբան Կարեն Գիլոյանը:
Ֆոտոլրագրողի տեղեկություններով՝ մարզիկներն այցելելու են և նույն ակցիան շարունակելու են Գյումրիի ծերանոցում: Գ. Շամշյանը հայտնում է նաև, որ այս բարեգործական ակցիան շուտ պետք է տեղի ունենար, սակայն Գյումրիի ռուսական 102-րդ ռազմաբազայի ծառայող, ստահակ Վալերի Պերմյակովի կատարած դաժան ու անմարդկային արարքի պատճառով ակցիան հետաձգվեց հարգելի պատճառներով:
մանրամասները` սկզբնաղբյուրում