Փոքր և միջին բիզնեսի պարագայում բավարար է վերահսկել շրջանառությունը, ոչ թե ծախսերը. Առավոտ (խմբագրական)

Կան հարցեր, որոնք պահանջում են պարզ լուծումներ կամ, ինչպես երեկ պատկերավոր ներկայացրեց պատգամավոր Հրանտ Բագրատյանը՝ 11–մետրանոց հարված, ոչ թե բարդ բազմաքայլ կոմբինացիաներ: «Շրջանառության մասին» հարկի դեպքում [ինչի մասին խոսում էր պատգամավորը] դա իսկապես այդպես է. փոքր և միջին բիզնեսի պարագայում բավարար է վերահսկել շրջանառությունը, ոչ թե ծախսերը՝ դա դասագրքային ճշմարտություն է: Բացի այդ, հենց որ դուք հարկային տեսուչին ևս մի առիթ եք տալիս մտնելու մարդկանց կրպակը, դա անխուսափելիորեն կբերի նրան, որ տեսուչը կհայտնաբերի որևէ ստորակետի սխալ [«բա հո իզուր չե՞մ հելե-հասե ստե»], իսկ դրանից հետո նա կամ կտուգանի, կամ էլ՝ չտուգանելու դիմաց կաշառք կպահանջի: Պետք չէ իրենց գլուխը պահող մարդկանց հավելյալ սթրեսի մեջ գցել:

Հարցեր կան, որոնք մի «պենալով» չես լուծի: Մենք չենք կարող մեկ հրամանագրով կամ օրենքով խաղաղություն հաստատել Ադրբեջանի հետ կաղ կարգավորել մեր հարաբերությունը Թուրքիայի հետ: Նրանք, ովքեր ասում են, որ դա հնարավոր է, նման են այն հեքիմներին, որոնք պնդում են, թե կարելի է սիսեռով քաղցկեղ բուժել:

Արամ Աբրահամյան

Ամբողջությամբ՝ թերթի այսօրվա համարում։