Առնետավազքը մեզ սազական չէ. ԲՀԿ-ն առաջինը լքած գործարար, ԱԺ պատգամավոր Արագած Ախոյանը՝ իր քայլի մասին

Մի անգամ սխալվել եմ, բայց էլ չեմ սխալվի: Ես մնալու եմ անկախ: Այս մասին SHAMSHYAN.com-ի թղթակցի հետ հարցազրույցում ասաց ԲՀԿ-ն լքած ԱԺ պատգամավոր Արագած Ախոյանը՝ անդրադառնալով կուսակցությունը լքելու իր որոշմանը: Եվ ոչ միայն: Նրա հետ մեր հարցազրույցը ներկայացնում ենք ստորեւ.

-Պարոն Ախոյան, ՀՀԿ, ԲՀԿ առճակատումից հետո Դուք ԲՀԿ-ական առաջին պատգամավորն էիք, որ հրաժարվեցիք ձեր կուսակցական պատկանելությունից, բայց առաջինն ու վերջինը չեղաք այդ հարցում: Ոմանք դա որպես առնետավազք որակեցին: Ավելին` կարճ ժամանակ անց ՀՀԿ եւ ԲՀԿ առաջնորդներին հաջողվեց հաշտեցնել: Այսօր զղջո՞ւմ եք Ձեր քայլի համար, թե՞ ոչ:

-Չէ, ես բնավ չեմ զղջում, քանի որ ես իմ որոշումները պահի տակ չեմ կայացնում: Ես ի սկզբանե ասել եմ, որ եթե կուսակցությունը սկսի ռադիկալ քայլել իրականացնել, որը չի բխում մեր պետականության շահերից, ես հեռանալու եմ կուսակցությունից: Գիտե՞ք ինչ, գոյություն ունի գերակա շահ եւ ինձ համար այդ գերակա շահն այն ընտրազանգվածն է եւ այն ընտրատարածքը, որտեղից ես ԱԺ պատգամավոր եմ ընտրվել: Ավելին` նրանք այն ընտրազանգվածն են, ովքեր ինձ բախտակիցն են` թողել են իրենց պատմական հայրենիքը: Մենք այնտեղ դեռ խնդիր ունենք: Այս դեպքում ես այլ վարքագիծ չէի կարող դրսեւորել: Պետության շահը իմնձ համար ամեն ինչից վեր է, իսկ առնետավազքի պիտակը ոչ ինձ է վերաբերում, ոչ էլ մեկ ուրիշին, որովհետեւ քաղաքականության մեջ նման բան չկա: Քաղաքականության մեջ կա գաղափար եւ յուրաքանչյուրը անհատականություն է: Չմոռանանք, որ կուսակցությունից դուրս եկողներից յուրաքանչյուրը ունի իր ընտրազանգվածը, այսինքն՝ կուսակցության գաղափարախոսությունը չի, որ ձայներ են ապահովել այդ մարդկանց, այլ իրենց անհատականության շնորհիվ կառուցված ընտրազանգվածն է, որոնց առջեւ պարտավորություններ ունենք: Այնպես որ, այս դեպքում առնետավազքը հարիր պիտակ չէ: Չի սազում:

-Ամեն դեպքում առաջինը դուք դիմեցիք այդ քայլին: Համարձակ քայլ էր:

-Գիտե՞ք, կարեւոր չէ՝ առաջնին ես, երկրորդը, երրորդը կամ չորրորդը: Մենք ոչ թե հետեւել ենք ինչ-որ մեկին, այլ ունենալով մեր դիրքորոշումը՝ պաշտպանել ենք այն:    

մանրամասները` սկզբնաղբյուրում