Ամուսնուս շատ եմ սիրել, պարզապես տարիների ընթացքում հասկացա, որ մենք տարբեր մարդիկ ենք. Իվետա Եդիգարյան

Life.panorama.am-ն այսօր զրուցեց կինոյի և թատրոնի դերասան Աշոտ Եդիգարյանի դուստր, դերասանուհի-երգչուհի Իվետա Եդիգարյանի հետ: Դերասանուհին զրույցի ընթացքում պատմեց Միացյալ Նահանգներում ապրող իր ընտանիքի Հայաստանում ապրել չկարողանալու, ամուսնալուծության, դրա հետևանքների և առաջիկայում նոր ընտանիք կազմելու պլանների մասին:
Իվետա,2013- ին մեկնեցիք ԱՄՆ՝ այնտեղ հաստատվելու ակնկալիքով, հետովերադարձաք՝
դարձյալ երազանքների երկիր վերադառնալու միտումով: Հետաքրքիր է՝փոխե՞լ եք Ձեր
որոշումն ու մնալու եք հայրենիքում:
-Քանի որ ծնողներս արդեն Միացյալ Նահանգների քաղաքացի են, ես էլ մեկնել էի իրենց մոտ ու բավականին լավ հաստատվել այնտեղ, լեզուն արդեն սովորում էի, դուստրս՝ Անգելինան, արդեն դպրոց էր հաճախում, ու քանի որ իմ ԱՄՆ մուտքի արտոնագիրս ինձ թույլ էր տալիս վերադառնալ Հայաստան ու նորից մեկնել ԱՄՆ, ես, կարոտից ելնելով, եկա Հայաստան հետադարձ չվերթի համար նախատեսված տոմսով, բայց ահա իմ մոռացկոտության հաշվին արդեն ԱՄՆ վերադառնալիս Հայաստանի օդանավակայանում պարզվեց, որ ես արտոնագիրս թողել եմ Միացյալ Նահանգների մեր տանը և բնականաբար չկարողացա վերադառնալ: Իհարկե, ԱՄՆ մեկնելու մտքից չեմ հրաժարվել, սպասում եմ փաստաթղթային հարցերի լուծմանը, որ վերջնականապես մեկնեմ:
-Իսկ ինչո՞ւ եք ուզում մեկնել ու ապրել հայրենիքից հեռու:
-Ես շատ եմ սիրում իմ երկիրը, այստեղ ես սեփականատեր եմ, ամուր եմ կանգնած իմ հողի վրա, բայց սիրտս ցավում է, որ տեսնում եմ, թե ինչպես է մեր երկրում ամեն բան, ամեն ինչ դանդաղ մեռնում, անգամ մարդիկ են գնալով քչանում, իսկ այս ամենը հետևանքն է նրա, որ մեր երկրում գումար վաստակելը, անգամ օրվա հացը վաստակելը խիստ դժվարացել է: Ես դուստր ունեմ ու ցավում եմ, որ նրա համար այստեղ հեռանկար չեմ տեսնում: Ես շատ կցանկանամ, որ այստեղ աշխատելը և գումար վաստակելը այն հարթության վրա լինի, որ գոնե հացի խնդիր չունենան մարդիկ:
-Տեղեկություններ կան, որ Ձեր հայրը՝ թատրոնի և կինոյի դերասան Աշոտ Եդիգարյանը, ԱՄՆ-ում զբաղվում է արվեստից հեռու աշխատանքով, հետաքրքիր է, ինչո՞ւ են մեր հայրենակիցները դրսում աշխատում այն ոլորտներում, որ Հայաստանում ոչ մի դեպքում չէին աշխատի:
-Նախ ասեմ, որ ծնողներս աշնանը պատրաստվում են վերադառնալ Հայաստան՝ նախնական տվյալներով երկար կամ նույնիսկ այլևս չգնալու մտադրությամբ: Միաժամանակ պետք է նշեմ, որ Միացյալ Նահանգներում գրեթե բոլոր հայ արվեստագետներն էլ բացի իրենց մասնագիտությունից, աշխատում են նաև այլ ոլորտներում ու կարող են անել աշխատանքներ, որոնք կանի յուրաքանչյուր՝ թեկուզև արվեստից հեռու գտնվող մարդ: Հայրս էլ բացառություն չէ, բայց պետք է նշեմ, որ նա հիմա արդեն խաղում է նոր ներկայացման մեջ: Խնդիրը նրանում է, որ մեր երկրում նույնիսկ նման գործերը շատ քիչ են վարձատրվում, նման գործերի դիմաց մեր երկրի կոպեկների փոխարեն այնտեղ վճարում են այնքան գումար, որոնցով մարդիկ կարող են նորմալ ապրել: Բացի այդ այնտեղ պետությունը շատ առավելություններ ունի, ԱՄՆ-ում, եթե մարդ չի աշխատում, պետությունից ստանում է օգնություն, իսկ այստեղ, եթե մարդ հիվանդ ու սոված մեռնի, օգնող չի լինի:

մանրամասները` սկզբնաղբյուրում: