«Ես իմ բիզենեսի հաշվին է, որ Հայաստանում եմ մնացել ու դրա հաշվին է, որ էկրաններին եմ». Սարգիս Գրիգորյան. ՀԱՐՑԱԶՐՈՒՅՑ

Life.panorama.am-ի այսօրվա զրուցակիցն է դերասան Սարգիս Գրիգորյանը, ով մեզ հետ զրույցում կիսվել է «Բախտաբեր» հեռուստասերիալում իր դերի, դերասանի մասնագիտության նկատմամբ իր սկզբունքների եւ մտորումների, իր անձի եւ «Շանթ» հեռուստաընկերության հետ կապված ասեկոսեների, սեփական բիզնեսի շնորհիվ Հայաստանում ապրելու եւ կնոջ հետ իր հարաբերությունների մասին:

- Սարգիս, որպես դերասան ի՞նչ տարբերություն կա Ձեզ համար հեռուստասերիալների եւ գեղարվեստական ֆիլմերի միջեւ:

- Հեռուստասերիալ հասկացությունը արագ պրոցես է  ու գեղարվեստական ֆիլմերի նման նախնական պատրաստվածությունը այնքան էլ մեծ չէ: Սերիալում դեր կերտելը ավելի շատ կախված է դերասանի հմտությունից եւ վարպետությունից

- Դերասաններ կան, ովքեր կարծում են, որ, հատկապես երկարաժամկետ սերիալներում խաղալիս, կերտած դերը պետք է տեսակիդ նման լինի, որպեսզի կարողանաս առավել ճիշտ իրականացնել այն. «Բախտաբեր» հեռուստասերիալում Ձեր դեպքում այդպե՞ս է:

-«Բախտաբեր» հեռուստասերիալում կերտածս դերը իմ իրական տեսակի հետ գրեթե կապ չունի: Ինձ համար, առհասարակ, անհասկանալի է, որ ասում են հարկավոր է դերի մեջ մտնել: Կարծում եմ, սերիալում ավելի կարեւոր է ոչ թե դերի մեջ մտնելը, այլ դերասանական վարպետություն ունենալը: Նկարահանվելու համար ժամանակը կարճ է, իսկ դերի մեջ մտնելը բավականին լուրջ  գործընթաց է պահանջում, ինչը առավել շատ թատրոնում եւ գեղարվեստական ֆիլմերում է լինում: Ես ավելի շատ վարպետությունս եմ ցույց տալիս, որ կարողանում կարճ ժամանակում ստանալ պահանջված դերը, բացի այդ շատ օրինակներ կան, որ դերի մեջ մտնելուց հետո, դերի մեջ էլ մնացել են դերասանները: Ես չեմ էլ հավատում, որ մարդիկ լուրջ ասում են, թե ես դերի մեջ եմ մտել:

- Որպես դերասան ավելի լիարժեք եք զգում Ձեզ թատրոնո՞ւմ, գեղարվեստական ֆիլմերո՞ւմ, թե՞ հեռուստասերիալներում:

- Այս երեք այսպես կոչված ենթաոլորտներից բոլորն էլ դերասանի գործն է՝ իմ գործը, ուստի ես ինձ լավ եւ լիարժեք եմ զգում այնտեղ, որտեղ իմ գործն եմ անում, հետեւաբար թե թատրոնում, թե գեղարվեստական ֆիլմերում, եւ թե հեռուստասերիալներում:

- Սարգիս, Ձեզ համար կարեւո՞ր է արդյոք, թե ինչ դեր եք կերտում՝ գլխավոր, թե երկրորդական:

- Ինձ համար նման  խնդիր չկա: Պարզապես ես Աստծուց շնորհակալ եմ, որ կարողացել եմ իմ գործով հասնել նրան, որ ինձ մեծամասամբ գլխավոր դերեր են առաջարկում, բայց, իհարկե, եղել են, եւ հիմա էլ մի գեղարվետական ֆիլմում եմ նկարահանվում, որտեղ մարմնավորում եմ էպիզոդիկ դեր. դա ինձ համար նշանակություն չունի, ես նման սկզբունք երբեք չեմ ունեցել:

- Նախկինում Սարգիս Գրիգորյանը ասոցացվում էր «Շանթ» հեռուստաընկերության հետ, հետո դուք որոշ ժամանակ լռեցիք՝ առհասարակ չհայտնվելով էկրաններին, իսկ հիմա արդեն Արմենիա TV-ում եք:

- Ես ամեն բան արել եմ, անում եմ եւ իմ պարտքն եմ համարում անել, որպեսզի չլինեմ որեւէ հեռուստաընկերության դերասան, այլ լինեմ պարզապես դերասան, ով իր գործն է անում: Սա ինձ համար շատ կարեւոր է, որ ինձ ճանաչեն որպես Սարգիս Գրիգորյան, այլ ոչ թե տվյալ հեռուստաընկերության դերասան: Դա իմ գերխնդիրն է եղել ու, կարծում եմ, որ ես որոշ չափով հաղթահարել եմ այդ կարծրատիպը, նկատել եմ նաեւ, որ դերասանների ջանքերի ու ընդվզումների արդյունքում հեռուստաընկերությունների շրջանում էլ է այդ կարծրատիպը կոտրվում:

- Հանրության շրջանում տպավորություն էր, որ դուք վիճել եք «Շանթ» հեռուստաընկերության հետ: Ի վերջո, որեւէ մեկնաբանություն կտա՞ք այս առումով:

- Ես «Շանթ» հեռուստաընկերության հետ որեւէ կոնֆլիկտ չեմ ունեցել, քանի որ ես նրանց դերասանը չեմ եղել: Ես պարզապես դերասան եմ եղել, ով մասնակցել է այդ հեռուստաընկերության նախագծերին: «Անծանոթ» նախագծից հետո ես պարզապես «Շանթ» հեռուստաընկերությունից հրավեր չեմ ստացել, այդ իսկ պատճառով նրանց նախագծերում մասնակցություն չեմ ունեցել, բացի այդ, ինչու ոչ, որոշեցի մեկ այլ հեռուստաընկերությամբ ներկայանալ հեռուստադիտողին՝ այդ կարծրատիպը կոտրելու նպատակով. դա նաեւ ինձ էր պետք որպես դերասան: Իսկ ինչ վերաբերվում է «Շանթ»-ի հետ վիճելուն, պետք է ասեմ, որ այդ հեռուստաընկերության հետ միշտ էլ բարիդրացիական հարաբերություններ եմ ունեցել, եւ միշտ էլ ասել ու ասում եմ, որ ես շնորհակալ եմ «Շանթ» հեռուստաընկերությանը, քանի որ իրենց միջոցով ես ճանաչվեցի, եւ ուրախ եմ, որ ես հուսախաբ չարեցի եւ իրենց, եւ հեռուստադիտողին: «Շանթ» հեռուստաընկերությունը իմ կյանքում եւ իմ կարիերայում բավականին մեծ ու կարեւոր դեր է ունեցել: Եւվ կապ չունի ես «Արմենիա» TV-ում, НТВ-ում, թե Հոլիվուդում կլինեմ, միեւնույն է, «Շանթ»-ի դերը իմ կյանքում երբեք չեմ մոռանա:

- Սարգիս, հետաքրքիր է՝ առաջարկներ ստանալիս ի՞նչն եք առավել շատ  կարեւորում, հոնորարները ի՞նչ կարեւորություն ունեն դրանք ընդունելու հարցում:

Շարունակությունը ` սկզբնաղբյուր կայքում: