Կարապետյանը չի, իր ա վարորդն ա.Կարապետյանը հիմա հիվանդանոցում պառկած ա` պոչկեքի քարերն են հեռացնում

Այսօր, ԱԺ-ի միջանցքներում տարբեր խմբակցությունների պատգամավորիների միջեւ բավական թեժ քննարկում էր   ԱԺ նախկին պատգամավոր Գոհար Ենոքյանի եւ սկանդալային պատմություններով հայտնի, ԲՀԿ-ական պատգամավոր Կարո Կարապետյանի միջեւ եղած հակամարտության շուրջ:  Բավական ուշագրավ էր ՀՀԿ-ական պատգամավոր Գարեգին Նուշիկյանի եւ Խաչատուր Քոքոբելյանի զրոյցը ԱԺ-ը միջանցքում, երբ Նուշիկյանը մասնավորապես գործընկերոջը ասում էր հետեւյալը.«Անկախ նրանից մեղավոր ա, թե չէ, հիմա առաջնայինը խափանման միջոցը փոխելն ա, մեծ` տարիքը առած կին ա»:
Հիշեցնենք, որ մայիսի 4-ի երեկոյան ձերբակալվել է ԱԺ նախկին պատգամավոր, ԲՀԿ անդամ Գոհար Ենոքյանը: Նա այդ օրը, նախկինում հարուցված քրեական գործի շրջանակներում, ծանուցագրով ներկայացել է հատուկ քննչական ծառայություն, որտեղ էլ ձերբակալվել է: Գոհար Ենոքյանի փաստաբան Գեղամ Հակոբյանը «Հետքի» հետ զրույցում ասել էր, որ նախկին պատգամավորին ձերբակալել են սպանության նախապատրաստությանը մասնակցելու կասկածանքով: 

Քիչ առաջ, լրացուցիչ այլ տեղեկություններ պարզելու  համար, Fnews.am-ը  փորձեց  կապ հաստատել ԱԺ  պատգամավոր Կարո Կարապետյանի հետ, բայց ապարդյուն: Փոխարենը պատգամավորի բջջային հեռախոսին պատասխանեց նրա վարորդը,  եւ պատասխանեց , որ .«Պրոն Կարապտյանը չի իր ա վարորդն ա, Կարապետյանը հիմա հիվանդանոցում պառկած ա` պոչկեքի քարերն են հեռացնում, ուշ զանգեք»:

Նոնա  Ադամյան