«Վերջին 15 տարվա ընթացքում իմ կյանքի բոլոր, այդ թվում՝ ընտանեկան հաջողությունները կապված են ռադիոյի հետ». Եգոր Գլումով

Life.panorama.am-ը գրում է .

Ռադիոյի միջազգային օրվա առիթով «Ռադիո Վան» ռադիոկայանի մշակութային բաժնի ղեկավար, ռադիոհաղորդավար Եգոր Գլումովը Life.panorama.am-ի հետ զրույցում իր շնորհավորանքները հղեց բոլորին. «Ես արդեն առավոտյան հասցրել եմ շնորհավորել, բայց հերթական անգամ շնորհավորում եմ բոլոր իմ կոլեգաներին, բոլոր այն մարդկանց, ովքեր ամեն օր ստեղծում են ռադիո եւ իհարկե, շնորհավորում եմ բոլոր այն մարդկանց, ովքեր լսում և, հատկապես, նրանց, ովքեր չեն լսում ռադիո, որովհետեւ կամա, թե ակամա, վերջիններս էլ լսում են ռադիո, նրանց պապերն են լսել, 2-րդ համաշխարհային պատերազմի ժամանակ հենց ռադիոյով է հնչել հաղթանակի բարի լուրը: Ռադիոն շատ կարեւոր է մեր կյանքում, քանի որ չպետք է մոռանալ, որ մութ ու ցուրտ տարիներին ռադիոն շատ կարեւոր պատուհան էր արտաքին աշխարհի հետ»,- նշեց Եգոր Գլումովը:

Խոսելով մեր օրերում ռադիոյի դերի մասին, այն կարծիքի վերաբերյալ, թե 21-րդ դարում ռադիոն անցնում է հետին պլան, ռադիոհաղորդավարը շեշտեց. «Ռադիոն հաստատ չի արժեզրկվել, քանի որ այսօր ռադիոն ունի նաեւ ինտերնետ-հեռարձակում, եւ ռադիո կարելի է լսել յուրաքանչյուր սարքով, որի մեջ կա ինտերնետ հավելված: Ավելին ասեմ՝ 21-րդ դարում մենք անգամ ավելի մոտ ենք դարձել մարդկանց, քան առաջ, քանի որ առաջ ռադիո կարելի էր լսել միայն տանը, մեքենայում եւ բնության մեջ առանձին հատվածներում, իսկ հիմա ամենուր, որտեղ կա համացանց. Ռադիոլսողները շատացել են, նույն «Ռադիո Վանը» առաջ հեռարձակվում էր միայն Երեւանում, իսկ այսօր այն կարելի է լսել աշխարհի գրեթե բոլոր վայրերում»:

Մանրամասն ` սկզբնաղբյուրում: