Գագիկ Ծառուկյանի սանիկին` Պալաչին, ՀՀԿ-ն հեռացրեց կուսակցությունից՝ Աբովյանի քաղաքապետի ընտրություններում առաջադրվելու համար

Shamshyan.com-ը գրում է.
Աբովյանի քաղաքապետի թեկնածուներից «Կինգ Դելյուքս» ընկերության սեփականատեր, Գագիկ Ծառուկյանի սանիկ, ՀՀԿ-ական Արթուր Հարությունյանը՝ Պալաչը, հեռացվել է Հանրապետական կուսակցությունից` կուսակցական վերադաս մարմնի որոշումները չկատարելու համար: Այս մասին SHAMSHYAN.com-ի թղթակցի հետ զրույցում ասաց ՀՀԿ կազմակերպչական գծով պատասխանատու Ռուբեն Թադևոսյանը: 

Արթուր Հարությունյանը, Ռուբեն Թադեւոսյանի խոսքով, կուսակցությունից հեռացվել է կուսակցակական վերադաս մարմնի որոշումները չկատարելու համար: Նրան առաջարկվել է չառաջադրվել Աբովյանի քաղաքապետի ընտրություններում:

Ավելի վաղ տեղեկացրել էինք, որ Աբովյանի քաղաքապետի ընտրություններում առաջադրումները այսօր սկսվել են: SHAMSHYAN.com-ի տեղեկություններով՝ ՀՀԿ-ն սատարելու է Վահագն Գեւորգյանին, ով երկար տարիներ է, ինչ ԱԺ-ում փորձագետ է: Ավելին` Գագիկ Ծառուկյանի օգնականն է: Առաջադրվելու ցանկություն է հայտնել նաեւ Արթուր Հարությունյանը՝ Պալաչը: Նշենք, որ Գագիկ Ծառուկյանի եւ Պալաչի հարաբերությունները, մեղմ ասած, լավ չեն: Ավելին, թե ՀՀԿ-ն, թե Գագիկ Ծառուկյանը պաշտպանելու են Վահագն Գեւորգյանի թեկնածությունը: 

Մանրամասն ` սկզբնաղբյուրում