Ձեր լրատվականներին, իքերին էլ ես ոչ մի վատ բան չեմ ասում. Չեմ ասում չեմ պրծնում, ո՞ւր մնաց թե տհե մի բան ասեմ, գնաց...քաղաքապետի թեկնածու

Երեկ թիվ 31 ընտրատարածքային ընտրական հանձնաժողովի նախագահ Վռամ Վանյանից Fnews.am-ը հետաքրքվեց, թե այս պահին ինչպիսի՞ն է նախընտրական մթնոլորտը Ալավերդի քաղաքում, ուր ասում են իրականում հետաքրքիր զարգացումներ են սպսավում:
Ընտրական հանձնաժողովի նախագահի խոսքով. Այս պահին իրականում ամեն ինչ իր հունով, շատ նորմալ ձեւով առաջ է գնում, եւ կարելի է աել, որ դեռ շուտ է հստակ պատկեր ու կարծիք ստանալու համար:
Ընտրապայքարի մեջ մտած թեկնածուների անունները հայտնի են`անկուսակցականներ Արթուր Աբգարյան եւ Կարեն Փարեմուզյան, որոնցից երկուսի նախընտրական շտաբներում էլ ակտիվ նախընտրական եռուզեռ է:
Հարցին, թե առաջադրված թեկնածուներից ո՞վ է առավել հայտնի Ալավերդի քաղաքում, եւ թե ո՞ր թեկնածուի շանսերը կարելի է բարձր գնահատել , Վռամ Վանյանը դժվարացավ միանշանակ պատասխանել, միայն շեշետց, որ նրնացից երկուսն էլ ճանաչված են, եւ որ այնպես չէ, որ ինչ-որ մեկին ավելի շատ կամ քիչ գիտեն, կամ այլ կերպ ասած լավ չեն ճանաչում:
Fnews.am-ը փորձեց կապ հաստատել նաեւ առաջադրված թեկանծուներ`Կարեն Փարեմուզյանի եւ Արթուր Աբգարյանի հետ, սակայն թեկնածուներից Աբգարյանը խոստացավ ավելի ուշ պատասխանել մեզ հուզող հարցերին, ասելով, որ ներկա պահին լուրջ հանդիպումների մեջ է , իսկ ահա Կարեն Փարեմուզյանը հարցը շատ հստակ դրեց` ի լուր աշխարհի հայտարարելով, որ ինքը ինտերվյուներ տալու է միայն իրենց քաղաքի լրագրողներին ու քաղաքին սպասարկող լրատվամիջոցներին, իսկ ահա մայրաքաղաքում գործող լրատվամիջոցներն , ու մարզային ԶԼՄ-ները իր հետ շփվելու բախտին կարժանանան հունիսի 8 –ից հետո միայն: Եւ որպեսզի չխեղաթյուրենք մեր հարգարժան թեկնածուի Լոռվա բարբառով հնչեցրած ուշագրավ պատասխանները առաջարկում ենք այն ընթերցողին ներկայացնել առանց ավելորդ խմբագրումների.

-Բարեւ Ձեզ պարոն Փարեմուզյան:
-Ասենք բարեւ, ինչ կա՞:
-Պարոն Փարեմուզյան,Ձեզ մի քանի հարց էինք ուզում ուղղել քաղաքում տիրող նախընտրական տրամադրությունների հետ կապված:

-Ա ~ինչ հարց է, մեզ հըմա մեր գործն ենք անում:

-Լավ եք անում, բայց կասե՞ք թե ինչ ծրագրով եք ներկայանում Ձեր ընտրողներին, եւ ինչի՞ համար օրինակ ալավերդցիները պետք է քվերակեն Ձեր օգտին:

-Քույրիկ ջան, ինձ տհե հարցեր մի տու: Ասեցի էլի, ինտերվյու բան չկա: Էսքան էլ հլը խոսացրեցիր ինձ: Վերջ, վերջ, ավարտում ենք:

-Դե միամիտ լոռեցի թեկնածու ենք գտել, ուզում ենք մի քիչ խոսացնել:Լավ դե հիմա ճիշտն ասեք. ինչպե՞ս եք ալավերդցիներին գրավելու Ձեր կողմը, որ միահամուռ ձայներով դառնաք Ալավերդու քաղաքապետ:

-Իմ ծրագրով, իմ գործով, ամեն ինչով: Իմ մասին շատ ես ուզում բան իմանալ, բուկլետներս վերցրու, զբոռնիկ արա, կտենաս ինչ կա-չկա:

-Ասում են քաղաքապետի մյուս թեկնածու`Արթուր Աբգարյանը ավելի անկաշկանդ է շփվում եւ ԶԼՄ-ների եւ բոլորի հետ, իսկ ահա դուք...

-Դե լավ ա.ուրախ եմ, որ նա բարի է:Մենք ոչ մեկի վրա ցեխ չենք շպրտում, Ձեր լրագրողներին, Ձեր լրատվականներին, իքերին էլ ես ոչ մի վատ բան չեմ ասում: Չեմ ասում չեմ պրծնում, ո՞ւր մնաց թե տհե մի բան ասեմ, գնաց… Վերջ բոլ ա, բոլ ա, էլ հարց մի տուր, չեմ ուզում խոսամ: Որ մոտիկից ճանաչեք, կտեսնեք թե ինչքան ժողովրդական մարդ եմ: Ես էն մարդկային տիպարը չեմ որ ամբիցիաներ ունենամ եւ այլն եւ այլն:

-Պարոն Փարեմուզյան, իսկ ինչքանո՞վ են ճիշտ պտտվող այն խոակցությունները, որ ձեր քաղաքական հովանավորը այս ընտրություններում «Վալլեքս» խմբի ընկերությունների նախագահ Վալերի Մեջլումյանն է:Ասում են` այսպես ասած Մեջլումյանի «մարդն» եք...
-Ե՞ս...ա դե մի սկսիք էլի.չէ, չէ չէ:

-Կապ չունե՞ք Վալերի Մեջլումյանի հետ:

- Ա~ո՞նց  չունեմ է, 14 տարի այնտեղ եմ աշխատել:
Էլ վսյո, էլ չեմ պատասխանելու քո հարցերին մինչեւ ամսի 7-ը: Ես Վալերին Մեջլումյանին ընդունում եմ, հարգում եմ, բայց էլ Ձեր հարցերին չեմ ուզում պատասխանել:Դուք արդեն պրովոկացիաներ եք ուզում անել: Վսյո, ցտեսություն:(Ու անջատեց հեռախոսը:)

Էս որ քաղաքապետ չդարձած Փարեմուզյանը արդեն չինովնիկի համազգեստի մեջ է փորձում մտնել, բա որ հասավ քաղաքապետարան, ինչե~ր է անելու…