Արագած Ախոյանը`Գագիկ Ծառուկյանի ակտիվության, իր մանկության հուշերի ու սփյուռքահայ գործարարի հետ ունեցած քաշքշուկների մասին
Անկախ ներկա քաղաքական պայմանական պասիվ վիճակից, ՀՀ-ի ներքաղաքական կյանքում ինչ-որ բան այն չէ: Դեռ շատ խճճված խաղաթղթեր կան, որի բանալին ուզենք թե չուզենք իշխող վերնախավի ձեռքում է:
Բոլորովին վերջերս Ծառուկյանը դուրս եկավ քաղաքականությունից, իսկ Ծառուկյանի գնալուց հետո շատերը լքեցին ԲՀԿ-ի շարքերը: Տիգրան Ուրիխանյանը հիմնադրեց իր «Ալյանսը», ՀԿ-ները թեքվեցին դեպի մյուս կուսակցությունները, ոմանք էլ ուղղակի ավտոմատ պարապուրդի մատնվեցին:
Իսկ ահա ԲՀԿ-ի շարքերը լքած պատգամավորներից շատերն էլ պարզապես «օդինոկի վոլկի» կարգավիճակում են իրենց խաղը խաղում, ինչը ստեղծված իրավիճակում թերեւս լավագույն տարբերակներից մեկն է:
Այս եւ այլ հարցերի շուրջ, Fnews.am-ը զրուցեց նախկին ԲՀԿ-ական, ներկայումս անկախ պատգամավոր Արագած Ախոյանի հետ:
-Պարոն Ախոյան, ներկա փուլում, կարելի է ՞ ասել, որ դուք ակտիվ քաղաքականության մեջ եք:
-Երբ ինքը ` քաղաքականությունը պասիվ է , ես ինչպես ակտիվ լինեմ : Ոչ, ես ակտիվ չեմ :
-Պարոն Ախոյան, ինչպե՞ս եք վերաբերում Գագիկ Ծառուկյանի քաղաքականությունից դուրս գալուն, բայց միևնույն ժամանակ նրա վերջին օրերի ցուցաբերած ակտիվությանը...Ըստ Ձեզ, դա ինչի ՞ հետեւանք է:
-Ես կասեմ հետեւյալը.քաղաքականությունը, բարեգործությունը, սպորտը, Ծառուկյանի կայնքն են: Իսկ նա իրոք դուրս է եկել քաղաքականությունից:
ՀԱՐԱԲԵՐՈՒԹՅՈՒՆՆԵՐԸ ՇԱՏ ՎԱՏ ԵՆ
-Լավ, անցնեք առաջ եւ խոսենք տեւական ժամանակ Ձեր եւ սփյուռքահայ գործարար Հրաչ Կապրիելյանի միջեւ դեռեւս չավարտված հակամարտությանը: Ի՞նչ նորություններ կան այդ հայտնի պատմությունից:
-Նա դեռ այնքան ժամանակ կմնա այդ վիճակում, քանի դեռ դատական գործն ընթացքի մեջ է, նոր հանգամանքներ չկան: Բայց նա խաբել է ինձ ու մտածել, թե մեծ բան է անում: Մեր հարաբերություններ շատ լարված են.շատ վատ են:
-Ի դեպ այսօր հունիսի 1-ն է` երեխաների Պաշտպանությա օրը: Կպատմե՞ք, դուք ինչպիսի մանկություն եք ունեցել, եւ ի՞նչ հուշեր կան, որ մինչեւ այսօր ձեզ հետ են:
-Հիշում եմ, որ փոքրուց էլ ես մի տեսակ մեծ տղամարդու պես եմ եղել. առավոտյան տանից դուրս եմ եկել , երեկոյան վերադարձել, քանի որ 4-րդ դասարանից 2 դպրոց եմ հաճախել ` մի դեպքում` հումանիտար գիտելիքներ էր տալիս, մյուսում ` գեղագիտական: Անհոգ մանկություն եմ ունեցել, զբաղված, գործունյա …
Աննա Առաքելյան