Ուզում են ասել՝ երբ պետք է, տուգանում են, երբ պետք է, ասում են՝ փաստարկները հիմնավոր են. ՀԷՑ-ը կտուգանվի 75 մլն.-ով
Հանրային ծառայությունները կարգավորող հանձնաժողովը հրապարակել է 14 տարբեր որոշումների նախագծեր, որոնց հանրագումարում պատրաստվում է ՀԷՑ-ին տուգանել 75 միլիոն դրամի չափով: Որոշումը կկայացվի հուլիսի 8-ին կայանալիք Հանրային ծառայությունները կարգավորող հանձնաժողովի նիստի ընթացքում:
ՀԾԿՀ-ի որոշման նախագծում ասվում է, որ ՀԷՑ-ը խախտել է քաղաքացու սպառման համակարգը էլեկտրական ցանցին միացնելու ժամկետները, բացի այդ, միացման վճարից բացի, քաղաքացիներից պահանջել է նաև սպառման համակարգն էլեկտրական ցանցին միացնելու համար փաստացի ծախսումների գումարը՝ նշված գումարը հետագա 5 տարիների ընթացքում սպառված էլեկտրաէներգիայի դիմաց վճարների հաշվին մարելու պայմանով, որպես հիմնավորում ՀԷՑ-ը ներկայացրել է ընկերության ֆինանսական ծանր վիճակը:
ԵՊՀ ֆինանսահաշվային ամբիոնի դասախոս, դոցենտ Արզուման Հակոբյանը, ուսումնասիրելով խախտումների վերաբերյալ ՀԾԿՀ հրապարակած որոշման նախագծերը, եկել է հետևյալ եզրակացության.
«Իրենք նպատակ են հետապնդում արդարացնելու իրենց կայացրած որոշումը: Եթե այդ բոլորը ավելի շուտ լիներ, մինչև էլեկտրաէներգիայի թանկացման որոշում կայացնելը, իմաստ կունենար: Հիմա հետին թվով նման բան անելն ուղղված է նրան, որ հանրությանը համոզեն, որ իրենք օբյեկտիվ են և թանկացման որոշումը ճիշտ էր: Այսինքն ուզում են ասել՝ երբ պետք է, տուգանում են, երբ պետք է, ասում են՝ փաստարկները հիմնավոր են»:
Շարունակությունը ` սկզբնաղբյուրում, GalaTv.am