Ոստիկանությունը տաք հետքերով բացահայտեց 38.000 ԱՄՆ դոլարի ավազակային հարձակումը. կատարողների մեջ էր քրեական անցյալով հարուստ հայտնի «Ալավերդյանցի Կոկոն».ՏԵՍԱՆՅՈՒԹ

shamshyan.com-ը գրում է.

Այսօր՝ հուլիսի 10-ին, ոստիկանության քրեական հետախուզության գլխավոր վարչության և նույն վարչության 2-րդ վարչության, ոստիկանության Երևան քաղաքի վարչության քրեական հետախուզության բաժնի, ոստիկանության Կենտրոնական բաժնի քրեական հետախուզության բաժնի աշխատակիցները հայտնաբերել են երեկ՝ հուլիսի 9-ին, Երևանի Կենտրոն վարչական տարածքում խոշոր չափի ավազակային հարձակում կատարած անձանց:

Արդեն լուսաբացին ոստիկանության քրեական հետախուզության աշխատակիցներն օպերատիվ տվյալներ են ստանում, որ նշված Mercedes-ը ուղևորություն է վերցրել Իսակովի պողոտա: Հասնելով Իսակովի պողոտա՝ այնտեղ հայտնաբերում են վթարված Mercedes-ը, որը բախվել էր մեկ այլ տաքսի ավտոմեքենայի, որից հետո ստահակները Mercedes-ը թողնելով վթարի վայրում՝ հեռացել են:

Անմիջապես ոստիկանները ձեռնարկում են օպերատիվ-հետախուզական գործողություններ և ստանում են օպերատիվ տվյալներ, որ ավազակային հարձակում կատարողները գտնվում են «Զվարթնոց» օդանավակայանի VIP նախասրահում, ովքեր այնտեղ են մեկնել Range Rover մակնիշի 07 ՏZ 777 համարանիշի ավտոմեքենայով:

Արդեն «Զվարթնոց» օդանավակայանի VIP նախասրահում քրեական հետախուզության աշխատակիցները ավազակային հարձակում կատարելու կասկածանքով ձերբակալում են 25-ամյա Կոնստանտին Հունանյանին, 24-ամյա Աշոտ Կարինյանին և 25-ամյա Վաչագան Գեղամյանին:

Վերջիններս տեղափոխվում են ոստիկանության քրեական հետախուզության գլխավոր վարչություն:

Ֆոտոլրագրողի տեղեկություններով՝ Կ. Հունանյանը քրեական անցյալով հարուստ հայտնի Ալավերդյանցի Կոկոն է:

մանրամասներն`այստեղ: