Ինչպե՞ս են ռուսական լրատվամիջոցները Պերմյակովի հարցաքննությունից մեջբերումներ անում, եթե այն դեռևս հասանելի չէ հայկական կողմին

«Գյումրիում Ավետիսյանների յոթ հոգանոց ընտանիքի դաժան սպանությունից ամիսներ անց դեռ առաջ են գալիս սպանության պատճառների հետ կապված վարկածներ, որոնք, ըստ Ավետիսյանների հարազատների, նպատակ ունեն ոչ միայն խճճելու ամեն ինչ։ Օրերին էլ սկսել է շրջանառվել վարկած, ըստ որի՝ բարձրաստիճան մի զինվորական պատմել է, որ երբ Երազգավորս գյուղի մոտակայքում հայտնաբերել են դեպի Թուրքիա գնացող Վալերի Պերմյակովին, նա ասել է. «որևէ մեկին չեմ սպանել: Ինձ տվել են երկու պեպսիկոլա և երկու շաուրմա»: Ապա այդ զինվորականը շարունակել է. «Բայց հետաքրքիր է, որ կոլայի և շաուրմայի և «չեմ սպանել»–ու մասին այս ցուցմունքը, չգիտես ինչո՞ւ անհետացել է հարցաքննության արձանագրոթյունից»:

Այնուամենայնիվ, թե որքանով է պեպսիով եւ շաուրմայով Պերմյակովին հանցագործության մղելու կամ՝ հանցագործությունը նրա վրա բարդելու այդ նոր վարկածը խելքին մոտ, եւ անհասարակ եզրափակիչ այս փուլում ինչ ընթացքի մեջ է յոթ ամիս ընթացող նախաքննությունը, փորձեցինք պարզել Ավետիսյանների ընտանիքի փաստաբան Երվանդ Վարոսյանից: Այսինքն՝ հնարավո՞ր է, որ Պերմյակովն այս գործում պարզապես «զոհ» է:

- Համենայնդեպս այս պահի դրությամբ մեզ հայտնի քրեական գործում առկա ապացույցներով, մասնավորապես փորձագետի եզրակացությունները, միանշանակ խոսում են այն մասին, որ Պերմյակովը գտնվել է Ավետիսյանների տանը եւ անձամբ կրակել: Երկրորդ՝ ներսում երկրորդ անձի առկայության մասին որեւէ ապացույց այս պահի դրությամբ մեզ հայտնի չէ։

Ինչ վերաբերում է նաև ռուսական լրատվամիջոցներում տեղ գտած այդ վարկածին, ապա մեզ համար զարմանալի է, որ մեջբերումն են Վալերի Պերմյակովի ցուցմունքներին, որին այս պահին առնվազն մենք ծանոթ չենք եւ լրագրողներն էլ, բնականաբար պետք է ծանոթ չլինեին

Մանրամասները՝ Իրավունք թերթի այսօրվա համարում։