Երրորդմասցի Լյովիկի եւ նրա մտերիմների սպանության գործով ԱԱԾ-ում ընթացող նախաքննության շրջանակներում հարցաքննվել են բազմաթիվ անձիք

Նուբարաշենում հնչած կրակոցների հետեւանքով սպանված քրեական աշխարհում հայտնի հեղինակություն Երրորդմասցի Լյովիկի եւ նրա մտերիմների սպանության գործով ԱԱԾ-ում ընթացող նախաքննության շրջանակներում հարցաքննվել են բազմաթիվ անձիք, բացահայտվել են բավականին հանգամանքներ: Այս մասին Fnews.am-ի  հետ զրույցում ասաց քրեական հեղինակության սպանության մեջ մեղադրվող հիմնական կասկածյալներ հայտնի մականուններով Գաստրիկի, Տլեի եւ Ծգլի փաստաբան երվանդ Վարոսյանը:
Իսկ թե ե՞րբ կավարտվի նախաքննությունը եւ գործը կուղարկվի դատարան փաստաբանը նկատեց.
-Կդժվարանամ այդ հարցին ստույգ պատասխանել, քանի որ դեռեւս լիովին չեմ տիրապետում նախաքննության մանրամասներին:

Հիշեցնենք, որ "Նուբարաշեն" ՔԿՀ-ի դիմաց հնչել են կրակոցներ: Դեպքի վայր ժամանած ոստիկանները հայտնաբերել են 1 զոհի եւ 2 վիրավորի, վիրավորներին տեղափոխել են "Էրեբունի" ԲԿ, ճանապարհին նրանք մահացել են։ Նախնական տեղեկություններով՝ մի քանի հոգի կրակ են բացել "Նուբարաշեն" ՔԿՀ-ի մոտ, որի հետեւանքով կա երեք զոհ: Կրակոցների հետեւանքով մահացած երեք անձանցից մեկը Լեւոն Ղազարյանն է, որը հայտնի է "Երրորդմասցի Լյովիկ" անունով, մյուսը 35-ամյա Դրաստամատ Թադեւոսյանն է, որը հայտնի է "Դերո" անունով, երրորդը՝ Մեսրոպ Մելիքյանը, մահացել է տեղում՝ ՔԿՀ-ի ավտոկայանատեղիում, որտեղ տեղի է ունեցել դեպքը։ Դեպքի առնչությամբ Քննչական կոմիտեում քրեական գործ է հարուցվել ՔՕ 104 հոդվածի 2-րդ մասին 1-ին կետով եւ 235 հոդվածի 1-ին մասով:

Տաթեւիկ Աբրահամյան