Գայանե Գրիգորյանի սպանության հետքերով....Հոգոցներ լսելուց հետո մտել է նրանց ննջասենյակ ու հայտնաբերել սկեսրոջը արյունլվա...

Նախօրեին դաժան սպանություն է տեղի ունեցել Արագածոտնի մարզի` Գեղադիր համայնքում: 55-ամյա ամուսինը` Գեւորգ Գալոյանը քնած ժամանակ դանակահարել է կնոջը՝ 52-ամյա կնոջը` Գայանե Գրիգորյանին, ով հիվանդանոց տեղափոխվելու ճանապարհին մահացել է: Ըստ տարածված լուրերի նա հոգեկան խնդիրներ ուներ եւ հաշվառված էր հոգեբուժարանում: Գեղադիրի գյուղապետ Գնել Գեւորգյանը Fnews.am-ի հետ զրույցում հասատեց տղմարդու հոգեկան հիվանդությամբ տառապելու փաստը եւ պատմեց, որ սպանվածի ընտանիքը ծանր սոցիալական պայմաններում է ապրում:

Գյուղապետի խոսքով.

-Հազիվ էին ծայրը-ծայրին հասցնում, չքավոր ընտանիք էր, ընտանիքում 7 հոգի էին, ոչ ոք չէր աշխատում, երեխաներից մեկն էլ հաշմանդամություն ուներ: 

Կատարվածի առնչությամբ դեպքից որոշակի մանրամասներ ներկայացրեց նաեւ հարազատներից մեկը, ով չցանկացավ հրպարակել իր անունը: Ըստ մեր զրուցակցի, սպանված Գայանե Գրիգորյանի ամուսինը քնած ժամանակ է հարվածել կնոջը, բայց իրենց ընտանիքում դեպքի նախորդ օրը կենցաղային հարցերի շուրջ վիճաբանություն է եղել, բայց դեպքի օրը ամեն ինչ հանգիստ է եղել:
Այդ օրն էլ երեկոյան ժամի, եկել է տուն սովորականի նման, ոչ մի արտառոց բան էդ պահին չեն նկատել տանեցիները: Ո'չ խմած է եղել, ո'չ էլ հուզված կամ ջղայնացած: Կինը ասել էլ է՝ գնում եմ պառկեմ, ասել է գնա ես մի քիչ կնստեմ, կնոջից հետո էլ հարսն է երեխաներին քնացրել ու ինքն էլ գնացել է քնելու: Հարսը մի պահ նկատել է, որ սկեսրայրը բավական անհանգիստ է, բայց ուշադրություն չի դարձրել: Հարսի սենյակ մտնելն ու սկսեսրոջ վախ... անելը մեկ է եղել: Հոգոցները լսելուց հետո մտել է նրանց ննջասենյակ ու հայտնաբերել սկեսրոջը արյունլվա, իսկ սկեսրայրին կնոջ կողքը հանգիստ պառկած: Հարսը միանգամից զանգել է ամուսնուն մինչեւ տղան եկել է, որ մորը տեղափոխի հիվանդանոց ճանապարհին մայրը մահացել է:

Արագածոտնի մարզում երեկ` օգոստոսի 25-ին, Գեղադիր գյուղում Գայանե Գրիգորյանի սպանության դեպքի Արագածոտնի մարզային քննչական վարչությունում հարուցվել է քրեական գործ, ՀՀ քրեական օրենսգրքի 104-րդ հոդվածի 1-ին մասի հատկանիշներով։
Այս մասին հաղորդում է ՀՀ Քննչական կոմիտեն: Նախնական տվյալներով՝ 2015թ.-ի օգոստոսի 25-ին՝ ժամը 22:00-ի սահմաններում, Արագածոտնի մարզի Գեւորգ Գալոյանն իր բնակարանում կենցաղային հարցերի շուրջ վիճաբանել է կնոջ՝ Գայանե Գրիգորյանի հետ, որի ընթացքում խոհանոցային դանակով հարվածել է վերջինիս կրծքավանդակի աջ հատվածին։ Հիվանդանոց տեղափոխվելու ճանապարհին կինը մահացել է: Կատարվել է դեպքի վայրի զննություն, որի ժամանակ հայտնաբերվել է հանցագործության գործիք հանդիսացած դանակը։ Նշանակվել է դիակի դատաբժշկական փորձաքննություն, Գ.Գրիգորյանը ճանաչվել է տուժող: Կատարվում են անհետաձգելի մի շարք քննչական գործողություններ՝ դեպքի բոլոր հանգամանքների օբյեկտիվ եւ բազմակողմանի հետազոտումն ապահովելու ուղղությամբ, հարցաքննվել վկաներ։ Գ.Գալոյանը ձերբակալվել է սպանության կասկածանքով եւ հարցաքննվել, որի ժամանակ մանրամասն ցուցմունք է տվել կատարված դեպքի վերաբերյալ։ Նախաքննությունը շարունակվում է:

Տաթեւիկ  Աբրահամյան