Երևանում բարեգործական կազմակերպության նախագահն իր տունը տրամադրելով մարմնավաճառին՝ նպաստել է պոռնկությանը

Ավան և Նոր Նորք վարչական շրջանների ընդհանուր իրավասության դատարանում Արմեն Վարդապետյանի նախագահությամբ ավարտվել է Հայկուշ Հ.-ի (անունը փոխված է) գործի դատական քննությունը:

Իր անունով բարեգործական հասարակական կազմակերպություն ունեցող ու այդ կազմակերպության նախագահը հանդիսացող 48-ամյա ամբաստանյալը մեղադրվում էր պոռնկությանը նպաստելու համար՝ ՀՀ քրեական օրենսգրքի 262 հոդվածի 1-ին մասով:

Ըստ մեղադրանքի՝ Հայկուշ Հ.-ն մարմնավաճառ Նինա Պ.-ին (անունը փոխված է) առաջարկել է բնակվել սեփականության իրավունքով իրեն պատկանող բնակարանում, այնտեղ զբաղվել մարմնավաճառությամբ և ստացած եկամուտը հավասարաչափ կիսել իր հետ:

2009-2010 թվականներին Հայկուշն իր բնակարանը պարբերաբար տրամադրել է Նինային, վերջինս այնտեղ պարբերաբար սեռական հարաբերություն է ունեցել իր հաճախորդ տղամարդկանց հետ, ստացած եկամուտն էլ, ըստ պայմանավորվածության, կիսել է տանտիրուհու հետ:

Որոշ ժամանակ անց Նինան Հայկուշի առաջարկով տեղափոխվել է բնակվելու այլ բնակարան՝ շարունակելով սեռական հարաբերություններ ունենալ Հայկուշի բնակարանում:

Բայց շուտով այդ բնակարանից գողություն կատարելու համար Նինան դատապարտվել է: Իսկ երբ ազատվել է կալանավայրից, Հայկուշը, գողությամբ իրեն պատճառված վնասը ստանալու նպատակով, 2013 թվականին Նինային նորից առաջարկել է բնակվել իր բնակարանում, նորից զբաղվել մարմնավաճառությամբ ու ստացած եկամուտը իրեն տրամադրելով՝ փակել ունեցած պարտավորությունը:

2013 թվականի նոյեմբեր-դեկտեմբեր ամիսներին Հայկուշը այդ նպատակով պարբերաբար Նինային է տրամադրել իր բնակարանը և տնօրինել է նրա ստացած եկամուտը:

մանրամասն՝ այստեղ: