Աղջիկը «Odnoklassniki.ru»-ով ծանոթացած երիտասարդին տուն է հրավիրել, իսկ վերջինս էլ նրան կողոպտել է ու հեռացել

«Odnoklassniki.ru» սոցիալական կայքի միջոցով մեկ շաբաթվա ծանոթությունն ավարտվել է կողոպուտով:

«Փաստինֆո»-ին հայտնի է դարձել, որ 26-ամյա աղջիկը սոցիալական կայքի միջոցով շուրջ մեկ շաբաթվա ծանոթին տուն է հրավիրել, իսկ վերջինս էլ նրան կողոպտել ու հեռացել է:

Երիտասարդն իրենց կապի մասին չհրապարակելու սպառնալիքով աղջկա բնակարանից տարել է 1 հատ «Նոութբուք», 4 հատ բջջային հեռախոս և դրամապանակից գաղտնի հափշտակել 11.000 դրամ, 3 ԱՄՆ դոլար, 200 ՌԴ ռուբլի գումար` պատճառելով շուրջ 350.000 դրամի նյութական վնաս:

Միջոցառումներ են ձեռնարկվում երիտասարդի ինքնությունը պարզելու ուղղությամբ: